Auksionda satış

« Əvvəlki səhifəyə geri dön
0
0

Salamun aleykum.Qurban müəllim necəsiz?Bilmək istərdik ki,Əgər bank avtomobil kreditini ödəyə bilməyən şəxsi məhkəməyə verib avtomobili hərraca çıxararsa, bu halda cavabdehin hansı hüquqları var? bununla əlaqədar bir neçə sualım var.
1.Qiymətləndirici təşkilatın qoyduğu qiymətə bank qarışa bilərmi? 2.Neçə hərrac keçirilir və bunlar arasındakı müddət nə qədərdir? 3.Əgər maşın qəzalıdırsa qiymətləndirməyə təsir edir? və sübut üçün akt,foto və ya hansısa sənət qiymətləndirmə işinə tikilir?
4.Maşın faktiki olaraq uzaqdadır.Deyək ki,Naxçıvanda. Qiymətləndirmə maşının faktiki olduğu yer üzrə həyata keçirilə bilər yoxsa , icraçıların və bankın olduğu yer üzrə .Naxçıvandan gətirilməsi üçün əlavə olaraq daşınma və s. xərcləri var.(BankBakıda,mülkiyyətçi yəni icraçılar Qazax,maşın faktiki olaraq Naxçıvanda :Qiymətləndirmə və hərrac Naxçıvanda ola bilərmi?)
5.Mülkiyyətin hərracda almaq hüququ ilk olaraq kimə verilir? (məsələn:Mülkiyyətçi bunu girovda ola-ola fırıldaq yolu ilə etibarnamə ilə satıb başqasına maşının tam pulun alıb və deyib ki,borcu bağliyacam ama bağlamiyib.Məhkəmə zamanı mülkiyyətçi maşını faktiki sahib olandan(yəni etibarnamə ilə alandan) ge ri ala bilərmi?Alarsa hansı əsasla? Bu zaman hərracda maşını almaq hüququ ilk olaraq faktiki sahibə verilirmi? Bu cür məsələ demək olar ki,çox adamı maraqlandırır ona görə Sizlərdən xahişimiz geniş şəkildə cavablıyasınız.

Marked as spam
ali tərəfindən göndərilmişdir
14 Fevral 2016 23:17 dəqiqədə yazılıb.
435 baxış
0
Məxfi cavab

Salam, Əli bəy!

1. Borclu qiymətqoymada iştirak edə bilər və almaqda üstünlük hüququ var. İlk növbədə ona təklif edilməlidir.

2. Bank üçün fərq etmir ki, qiymət necə qoyulub. Onsuz da çatmayan hissəni bank borcludan tələb edəcək.  Qiymətqoymada əsas rol sifarişçiyə və borcluya aiddir.

“İcra haqqında” Qanunun 61-62-ci maddələrinə diqqət edin:

 

Maddə 61. Hərracların hazırlanması və keçirilməsi

 

61.1. Borclunun əmlakının satılması üzrə hərraclar, bu Qanunun 53.2-ci maddəsində göstərilən ixtisaslaşdırılmış müəssisələr tərəfindən müvafiq müqavilə əsasında təşkil edilir və keçirilir.

61.2. İxtisaslaşdırılmış müəssisələr hərracı icra məmurunun sifarişi əsasında keçirirlər. Həmin sifarişdə hərraca qoyulan əmlakın ilkin qiyməti göstərilir.

61.3. Sifarişə aşağıdakılar əlavə edilir:

61.3.1. icra sənədinin surəti;

61.3.2. əmlak üzərinə həbs qoyulması haqqında icra məmuru tərəfindən tərtib edilmiş aktın surəti;

61.3.3. daşınmaz əmlak satıldıqda, həmin əmlaka dair sənədlər;

61.3.4. ayrıca tikili satıldıqda, həmin tikilinin yerləşdiyi torpaq sahəsindən istifadə hüququnu və ya həmin torpaq sahəsi üzərində mülkiyyət hüququnu təsdiq edən sənədlərin surəti.

61.4. Uzunmüddətli icarə hüququ hərraca çıxarıldıqda, bu Qanunun 61.3.1 – 61.3.4-cü maddələrində göstərilən sənədlərə icra məmuru tərəfindən aşağıdakılar da əlavə edilir:

61.4.1. icarə müqaviləsinin surəti;

61.4.2. icarə müqaviləsinin qeydiyyatını təsdiq edən sənədin surəti;

61.4.3. tələbin uzunmüddətli icarə hüququna yönəldilməsinə icarəyə verənin razılığını təsdiq edən sənədin surəti və ya icarəçi icarə hüququnu hərrac nəticəsində əldə etdikdə, uzunmüddətli icarə hüququnun icarəçiyə keçməsini təsdiq edən sənədin surəti.

61.5. Tikintisi başa çatmamış obyekt üzərində hüquq satıldıqda, bu Qanunun 61.3.1 – 61.3.4-cü maddələrində göstərilən sənədlərə icra məmuru tərəfindən aşağıdakılarda əlavə edilir:

61.5.1. torpaq sahəsinin ayrılması haqqında qərarın surəti;

61.5.2. tikintiyə razılığın verilməsi barədə sənədin surəti.

61.6. Vergi ödəyicisinin siyahıya alınmış əmlakının qanunvericiliklə müəyyən edilmiş qaydada ixtisaslaşdırılmış açıq hərraclarda satılması zamanı icra məmurunun sifarişinə əlavə edilən sənədlər Azərbaycan Respublikasının Vergi Məcəlləsi ilə müəyyən edilir.

 

Maddə 62. Hərracın keçirilməsi müddətləri və qaydası

 

62.1. İcra məmurundan müvafiq sifarişin alındığı gündən ən geci iki ay müddətində ixtisaslaşdırılmış müəssisələr tərəfindən hərrac keçirilməlidir.

 

62.2. Hərracın keçirilməsi qaydası Azərbaycan Respublikasının qanunvericiliyi ilə müəyyən edilir.

Təbii ki, maşının qəzalı olması qiymətə təsir edir. Qiymətləndirmə üçün vacib olan sənədlər əlavə edilir.

 

3. Qiymətləndirmə yerə görə yox, obyektə görə həyata keçirilir. Maşın qanuni olmalı olduğu yerdəki qaydalara uyğun qiymətləndirilməlidir. Respublikada  mərkəzləşdirilmiş qaydada Auksion Mərkəzi fəaliyyət göstərir. Sifariş də ora verilir. Naxçıvandan gətirilmə xərci borcluya aid ediləcəkdir.


4. Hərracda maşını ilkin almaq hüququ qanuni borcluya (faktik sahibə yox) aiddir.

5. Mülkiyyətçi istənilən halda maşını geri almaq hüququna malikdir. Qanunu pozanlar mülki və əsaslar olarsa, cinayət məsuliyyəti daşıyacaqlar.

Etibarnamə isə alqı-satqı sənədi deyil və  faktik alıcı üçün mülkiyyət hüququ yaratmır. Bunu birdəfəlik bilmək lazımdır.

 

Uğurlar. Hörmətlə.

 

Marked as spam
Redaktor tərəfindən göndərilmişdir
16 Fevral 2016 03:21 radələrində cavablandırılıb
« Əvvəlki səhifəyə geri dön