Kredit müqaviləsinin predmeti nə olmalıdır? Müqavilədəki bir-birinə zidd bəndlər necə başa düşülməlidir?

« Əvvəlki səhifəyə geri dön
0
0

Salamlayıram sizi.

Zəhmət olmasa sualımı cavablandırardız, daha dogrusu bu iki bəndin nə anlam verdiyini:

2.1. Bu Müqavilənin predmeti Azərbaycan manatı ilə ifadə edilən pul öhdəliyidir.

2.2. Borc verən (avtomobilin alınması), Borc alana 18420 ABŞ dolları məbləğində kreditin verilməsini öhdəsinə götürür.

Yəni müqavilənin predmeti nə deməkdir bu halda?

Marked as spam
Hasan Manafov tərəfindən göndərilmişdir
03 Fevral 2016 20:02 dəqiqədə yazılıb.
420 baxış
0
Məxfi cavab

Salam, Həsən bəy!

1. 2.1-ci bənd guya müqaviləni Mülki Məcəllənin 439.1-ci maddəsinə uyğunlaşdırmaq üçündür. 2.2-ci bənd də 2.1-i təkzib etmək üçündür::)))

Ziddiyyət və məntiqsizlik göz qabağındadır. Bu şərtlərlə bağlanan müqavilə etibarsızdır və bu barədə maraqlı tərəfin məhkməyə müraciət etməsı məsləhətdir.

2.  Mülki Məcəllənin 439.1-ci maddəsinə əsasən, “pul öhdəliyi manatla ifadə edilməlidir. Əgər tərəflərdən biri xarici fiziki və ya hüquqi şəxsdirsə, tərəflər pul öhdəliyini, əgər bu, qanunla qadağan edilməyibsə, xarici valyutada da müəyyənləşdirə bilərlər.” Burada yazılanın nə anlama gəldiyini başa düşmək üçün Samir Şərifov və ya Elman Rüstəmov olmağa ehtiyac yoxdur.

Maddə deyir ki, ” tərəflərdən biri xarici fiziki və ya hüquqi şəxsdirsə” pul öhdəliyini xarici valyutada da müəyyənləşdirə bilərlər.  Təbii sual yaranır: “tərəflərdən biri xarici fiziki və ya hüquqi şəxs deyilsə?”

Bu sualın da cavabını düzgün vermək üçün Azərbaycan Respublikası Konstitusiya Məhkəməsinin hakimi olmağa ehtiyac yoxdur.

3. Təkrar edirəm, Siz MM-nin 337-ci maddəsinə əsaəsn, məhkəməyə müraciət edib, “qanunun müəyyənləşdirdiyi şərtlərə uyğun olmayan əqd” kimi həmin müqavilənin etibarsızlığını tələb edə bilərsiniz.

Uğurlar Sizə. Hörmətlə.

Marked as spam
Redaktor tərəfindən göndərilmişdir
03 Fevral 2016 22:00 radələrində cavablandırılıb
« Əvvəlki səhifəyə geri dön