Bələdiyyə qərarının ləğvi

« Əvvəlki səhifəyə geri dön
0
0

Salam. Qurban müəllim qarşıdan gələn çərşənbə və novruz bayramlarınız mübarək. İşlərinizdə və həyatda uğurlar arzulayıram. Qurban müəllim məsləhətinizə ehtiyacım var. Beləki 1994-cü ildə 14 sot torpaq sahəsi almışam. 6 sot şəhadətnamə ilə rəsmiləşdirilib, qalan 8 sot isə zəbt kimi 1994-cü ildən hasara alınıb. Həm şəhadətnamə ilə verilən 6 sot torpaq sahəsi və həm də zəbt olunan 8 sot torpaq sahəsi bitişikdir və eyni hasarın daxilindədirlər. 2013-cü ildə kənd bələdiyyəsi həmin zəbt olunmuş 8 sot torpaq sahəsini qərarla digər adama yaşayış evi tikmək üçün ayırıb. Artıq 4 ildir ki, Reyest sözü gedən torpaq sahəsinə çıxarış vermir, verə bilmir. Çünki torpagın qanunsuz ayrıldığını bilir. Bilmək istəyirəm ki, bələdiyyə qərarla ayırdığı torpaq sahəsini torpağa cıxarış alınmadığı halda yenidən başqa bir qərarla ləğv edə bilərmi? Təşəkkür edirəm

Tam cavablandırıldı.
Marked as spam
Mirmehman Miriyev tərəfindən göndərilmişdir
11 Mart 2017 11:23 dəqiqədə yazılıb.
155 baxış
0
Məxfi cavab

Salam.

1. “Bələdiyyə torpaqlarının idarə eilməsi haqqında” Qanunun 16-cı maddəsinə (qeyri-qanuni istifadə edilən torpaq sahələrinə dair tələblər” əsasən, “16.1. Qeyri-qanuni istifadə edilən (özbaşına tutulmuş) bələdiyyə torpaqları qanunvericiliklə müəyyən edilmiş qaydada mülkiyyətə, istifadəyə və icarəyə verilməmiş, habelə rəsmiləşdirilmiş ölçüdən artıq istifadə edilən torpaqlardır.16.2. Qeyri-qanuni istifadə edilən (özbaşına tutulmuş) torpaq sahələri Azərbaycan Respublikasının torpaq və mülki qanunvericiliyinə uyğun olaraq aidiyyəti üzrə geri qaytarılmalıdır.16.3. Bu Qanun qüvvəyə minənədək fərdi yaşayış və bağ evlərinin, qarajların, habelə sahibkarlıq fəaliyyətini həyata keçirmək məqsədilə zəruri obyektlərin tikintisi üçün qeyri-qanuni istifadə edilən bələdiyyə torpaqlarının geri qaytarılması mümkün olmadığı hallarda, bu torpaq sahələri qanunvericilikdə nəzərdə tutulmuş qaydada onları istifadə edən vətəndaşların və hüquqi şəxslərin mülkiyyətinə  verilir, eyni zamanda torpaq vergisinə cəlb edilir.16.4. Torpaq üzərində mülkiyyət, istifadə və icarə hüquqlarını təsdiq edən sənədlərdə göstərilən ölçüdən artıq istifadə edilən torpaq sahəsinin geri alınması mümkün olmadığı hallarda isə artıq sahələr eyni hüquq əsasında həmin şəxslərin adına rəsmiləşdirilir.”

Gördüyünüz kimi, zəbt olunan torpaq geri qaytarıla bilərsə, mütləq geri alınmalıdır. Yəni texniki, faktik  baxımdan ayrıla bilməkdən söhbət gedir. Yox əgər ayrılması, başqa vətəndaşa verilməsi mümkün deyilsə, onları istifadə edən vətəndaşın mülkiyyətinə verilir.

2. Sualınızdan aydın olur ki, bələdiyyə zəbt torpağını alıb başqa vətəndaşa verib. O “başqa vətəndaşın”  Çıxarış ala bilməməsi bələdiyyənin öz qərarını ləğv etməsi üçün əsas deyil və ola bilməz.

3. Reyestr Xidməti qanunsuz hərəkət edir. Xidmətin vəzifəsi dövlət və bələdiyyə orqanlarının qərarlarını icra etməkdir, təftiş etmək yox. Təqdim edilən sənədlərdə əgər hansısa qanunsuzluq varsa, onu aradan qaldırmaq o sənədi təqdim edənin vəzifəsidir.

4.  “Başqa şəxs” RX-ni məhkəməyə verib qanunsuzluğu aradan qaldırmalıdır.

5. Sualınıza daha dəqiq cavab vermək üçün RX-nin imtina məktubuna baxmaq lazımdır.

Hörmətlə.

 

Marked as spam
Qurban Məmmədov tərəfindən göndərilmişdir
12 Mart 2017 02:45 radələrində cavablandırılıb