Bank krediti üzrə qanunsuz Zaminlim

« Əvvəlki səhifəyə geri dön
0
0

Salam, Keçmiş Nikoil indiki Yellow bank mənim adımı iştirakım və xəbərim olmadan tanımadığım şəxsə zamin kimi qeyd edib. Bu barədə isə məlumatı digər banka ipoteka krediti götürmək istəyəndə əldə etmişəm, belə ki Mərkəzi Kredit Reyestrində adım gecikməyə düşüb və bu səbəblə də ipoteka kreditim əldən çıxdı ev ala bilmədim. Dəfələrlə həmin banka məktubla və onlayn ərizə ilə müraciət etsəm də hələ də adım MKR-dən silinməyib.
sual: həmin bankı məhkəməyə verib və ipoteka ilə ev almaq fürsətimi bankın maxinasiyasına görə əldən çıxdığını iddia edib hər hansi bir məbləğdə kompensansiyanın ödənilməsini və ya həmin bankdan faizsiz ipoteka kreditinin veriıməsi tələbini irəli sürərək qalib gəlmək olarmı?

Marked as spam
Faig Balakishiyev tərəfindən göndərilmişdir
03 Mart 2021 23:03 dəqiqədə yazılıb.
26 baxış
0
Məxfi cavab

Salam, Faiq bəy. 

Öncə, üzr istəyirəm ki, cavabı gecikdirdim. Bilirsiz, başım qarışıb AzerFreedom TV verilişlərinin hazırlanması və aparılmasına. Tərtərdə baş vermiş “Əsrin cinayətləri”nə. Ümid edirəm ki izləyirsiz.

Sualınızla bağlı.

Sizin xəbəriniz olmadan sizi zamin göstərən bankın həmin zaminlik müqaviləsini məhkəməyə verib etibarsız  etdirməlisiz, ləğvini tələb etməlisiz. Mülki Məcəllənin 360-cı maddəsinə istinadən.  Səlahiyyət verilməyən şəxsin əqd bağlaması. 

“360.1. Əgər başqa şəxsin (təmsil edilənin) adından əqdi bağlayan şəxsin (təmsilçinin) başqa şəxsin (təmsil edilənin) adından hərəkət etmək səlahiyyəti olmazsa və ya bu səlahiyyət aşılarsa, əqdin digər tərəfinin təmsilçidən həmin əqdin icrasını və ya əqdin bağlanması nəticəsində ona dəymiş zərərin əvəzinin ödənilməsini tələb etmək hüququ vardır, bu şərtlə ki, başqa şəxs (təmsil edilən) əqdi sonradan bəyənməsin”

Maddədəki bu sözlərə diqqət edin.: “əqdin bağlanması nəticəsində ona dəymiş zərərin əvəzinin ödənilməsini tələb etmək hüququ vardır”.

Həmin zaminlik müqaviləsini (əqdini) ləğv etdirdikdən sonra, bu maddəyə əsaslanıb, həmin bankın sizə vurduğu zərəri tələb edə bilərsiz.

Hörmətlə. Uğurlar. 

Marked as spam
Redaktor tərəfindən göndərilmişdir
26 Aprel 2021 16:02 radələrində cavablandırılıb
« Əvvəlki səhifəyə geri dön