Bank kreditləri haqqında? – “UniBank Lənkəran”

« Əvvəlki səhifəyə geri dön
0
0

Salam Qurban müəllim!

Belə xeyirxah işinizə görə ALLAH sizdən razı olsun hec olmasa bu cətin günlərdə sözlə də olsa insanlara böyük dayaq olursuz.

Bir problemin həllində köməklik  göstərməyinizi xahiş edirəm.

Mənim zaminliyimlə qardaşım oğlu 2014 cü ilin mart ayında  unibakın lənkəran filialından dollarla kredit götürüb.

2014 cü ilin  iyun ayından (qəza nəticəsində fiziki sağlamlıgında problemlər yaranması səbəbindən) aylıq borcunu ödəyə bilmədiyi ücün bangın əməkdaşına müraciət edib.

Bankın əməkdaşı əlində olan müəyyən işlərini bitirdikdən sonra ona köməklik ğöstərəçyini bildirib və bildirib ki, gedib onun zəngini gözləsin. 2 – 3 aydan sonra məlub oldu ki, işdən cıxarılıb.

Bir sözlə kredit ödənilmədiyi ücün, 2015-ci ilin fevral ayında verilib məhkəməyə. Məhkəmənin qərarından sonra məhkəmə icraatcısı mənə bildirdi ki, qardaşın oğlunun  sabit iş yeri olmadığı ücün kreditin ödənişini mənim  pensiya kartıma yönəldəçək.

Onu da qeyd edim ki, mənim özüm də kredit ödəyiçisiyəm,  aldığım  pensiyanın 38% -ni (280 azn)  banka ödəyirəm.

Mən də məcburiyyət qarşısında olduğumu  görüb xahiş  etdim ki, ailə vəziyyətimi (ailədə 4 nəfərik  məndən başqa işləyən yoxdur) nəzərə alsınlar.

Ancaq 2015-ci ilin oktyabr  ayında pensiyamı alanda məlum oldu ki, mənim pensiyamdan  50% -i (377 azn) tutulur. İndi  97 manatla necə dolanırıq? –  onu deməyə məncə ehtiyac yoxdur.

Artıq 3 aydır  hərbi qulluqçular və xüsusi  rütbəli şəxslərlə il üzrə deportament mənim  pensiyamdan ayda  377 AZN , (3 ayda 1131 azn) pul tutur, ancaq bu pullar  banka köcürülməyib.

Sonuncu  dəfə məndən dekabr ayının 18-də pul tutulub, ayın 21-də isə devalivasiya baş verib!

İndi bilmək istəyirəm ki, əgər pul vaxtında banka ödənilməyibsə, 1131 manata görə məndən əlavə pul tutula bilərmi? 

Əgər bu baş verərsə, mən nə etməliyəm?

Marked as spam
xanaqa1962@box.az tərəfindən göndərilmişdir
12 Yanvar 2016 19:59 dəqiqədə yazılıb.
3200 baxış
0
Məxfi cavab

Salam, Xanağa bəy!
Pul ödənişləri, tutmalar, əmək haqqının 50 faizindən çox olmayan hissəsinə yönəldilə bilər.
Ailə vəziyyətiniz, maddi durumunuz yalnız Siz Mülki Prosessual Məcəlləsinin 231-ci maddəsinə əsasən, məhkəməyə müraciət etdiyiniz təqdirdə nəzərə alınacaqdır.
“Qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi, icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması” adlanan həmin maddəyə əsasən,
231.1. İşə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır.
231.2. Həmin ərizələrə məhkəmə iclasında baxılır. İşdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur.
231.3. İcra üzrə icraatın dayandırılması məsələləri, habelə borclunun ölkədən getmək hüququnun müvəqqəti məhdudlaşdırılması icra məmurunun təqdimatına əsasən həll edilir. Məhkəmələrin verdiyi icra sənədinə əsasən başlanmış icraat icra məmurunun olduğu yer üzrə məhkəmə tərəfindən, inzibati-iqtisadi məhkəmənin verdiyi icra sənədinə əsasən başlanmış icraat isə həmin inzibati-iqtisadi məhkəmə və ya icra məmurunun olduğu yer üzrə müvafiq inzibati-iqtisadi məhkəmə tərəfindən dayandırılır. Borclunun ölkədən getmək hüququnun müvəqqəti məhdudlaşdırılması məsələsinə icra məmurunun olduğu yer üzrə məhkəmə tərəfindən baxılır. İcra üzrə icraatın dayandırılması, habelə borclunun ölkədən getmək hüququnun müvəqqəti məhdudlaşdırılması haqqında təqdimatlara bu Məcəllənin 231.2-ci maddəsi ilə nəzərdə tutulmuş qaydada baxılır.
231.4. Qətnamə icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması barədə məhkəmə qərardadından şikayət verilə bilər.
231.5. Qanunla nəzərdə tutulmuş hallar istisna olmaqla, ipoteka predmetinə tutmanın yönəldilməsi barədə məhkəmə qərarının icrasına möhlət verilməsinə, məhkəmə qətnaməsinin hissə-hissə icra edilməsinə, icra üsulunun və qaydasının dəyişdirilməsinə, habelə icra üzrə icraatın dayandırılmasına yalnız ipoteka saxlayanın razılığı ilə yol verilir”
Bu maddəyə istinad edib, Siz əmək haqqınızdan daha az faiz tutulması barədə məhkəməyə müraciət edə bilərsiniz.

Tutulmuş 3 aylıq borcun vaxtında banka ödənilməməsi Sizin üçün heç bir öhdəlik yarada bilməz. Buna görə təqsirli məmurlar məsuliyyət daşıyır. Sizin kartınızdan pul çıxılan andan Siz ödəmiş hesab edilirsiniz.
Əlavə problemləriniz olsa, etibar etdiyiniz bir hüquqşünasın hüquqi yardımından istifadə edin.
Heç darıxmayın. ALLAH(c.c) bəndələrini darda qoymaz, O-na dua edin.
Uğurlar!

Marked as spam
Redaktor tərəfindən göndərilmişdir
12 Yanvar 2016 21:26 radələrində cavablandırılıb
« Əvvəlki səhifəyə geri dön