Qohumumun evini girov qoymuşam. 1,05 məzənnəsi ilə ödəsəm, bank evi ala bilərmi?

« Əvvəlki səhifəyə geri dön
0
0

Salam.Öncədən xidmətlərinizə görə təşəkkürlərimi bildirmək istəyirəm…Mən orta məktəbdə müəllim işləyirəm.Kirayədə otururam.Ev tikmmək üçün bankdan 20000 dollar kredit götürdüm(məzənnə 0.78AZN olanda).Hazırda yeni məzənnə ilə tələb edirlər.Yaxin qohumumuzun evini girov qoymuşuğ.1.05 məzənnə ilə ödəsəm ,bank evi əlimizdən ala bilərmi? ev yiesi mene zamindir.

Marked as spam
zekeriyye tərəfindən göndərilmişdir
28 Yanvar 2016 09:15 dəqiqədə yazılıb.
324 baxış
0
Məxfi cavab

Salam.

1. Borcunuzu 0.78 və ya 1.05 məzənnəsi ilə ödəmək haqqında bankla rəsmi razılığa gəlməsəniz, ödəyəcəyiniz pullar əvvəl faizlərə, cərimələrə çıxılacaq, yalnız artıq qalanı əsas borcunuzdan silinəcəkdir (baxın ki müqavilənizdə belə bir şərt varmı?). Ona görə də çalışın bu barədə ilk növbədə bankla rəsmi- müqaviləyə dəyişiklik etmək yolu ilə razılaşın.

Siz bankdan öhdəliklərinizi yerinə yetirmək üçün əlavə vaxt da ala bilərsiniz. Məsələn, razılaşa bilərsiniz ki, “istədiyiniz vaxt və məbləğdə

 ödəmə edə bilərsiniz və bu, gecikmə sayılmayacaq və cərimələr hesablanmayacaq” və. s. Bu çox önəmlidir.

Mülki Məcəllənin 445.9-cu maddəsinə əsasən, “borclu icranı gecikdirdikdə kreditor ona öhdəliyin icrası üçün əlavə vaxt verə bilər. Əgər borclu həmin əlavə vaxt ərzində öhdəliyi icra edərsə, o, icranı gecikdirmiş sayılmır.”

2. Borcunuzu ödəməyəcəyiniz təqdirdə bank məhkəməyə müraciət edib borcun girov əmlaka, yəni mənzilə yönəldilməsini tələb edə bilər və məhkəmə bu iddianı təmin edəcəkdir.

3. Vəziyyətdən çıxış yolu var. Bu da mənim saytdakı birinci sualın cavabında yaydığım sənəd layihələrində göstərilib. Əvvəl banka, müqavilə şərtlərinin dəyişdirilməsi və ya ləğv edilməsi haqqında  istədiyiniz təklifləri verir, sonra da məhkəməyə müraciət edirsiniz. Əsaslar olduğu halda, müqavilənin etibarsız sayılması barədə də iddia qaldıra bilərsiniz.

4.MM-nin 556-557-ci maddələrinə əsasən, Siz hətta əsas borcu belə qaytarmaqdan imrina edə bilərsiniz. Bununçün Siz Mülki Məcəllənin 556-557-ci maddələrinə istinad edə bilərsiniz:

“Maddə 556. İcra mümkün olmadığına görə öhdəliyin xitamı

 

556.1. İcra mümkün olmadıqda, yəni icra edilməmə tərəflərin heç birinin cavabdeh olmadığı haldan irəli gəldikdə, öhdəliyə xitam verilir. Bu halda kreditor borcludan öhdəliyin icrasını tələb edə bilməz.

 

556.2. Borclunun öhdəliyi yerinə yetirməsi kreditorun təqsirli hərəkətləri nəticəsində mümkün olmadıqda, kreditor öhdəlik üzrə özünün icra etdiklərini qaytarmağı tələb edə bilməz.

 

Maddə 557. Dövlət və ya bələdiyyə orqanının aktına əsasən öhdəliyin xitamı

 

557.1. Dövlət və ya bələdiyyə orqanının qəbul etdiyi akt nəticəsində öhdəliyin icrası tamamilə və ya qismən qeyri-mümkün olduqda, öhdəliyin icrası müddəti uzadıldıqda öhdəliyə tamamilə və ya müvafiq hissədə xitam verilir. Bu halda dövlət və ya bələdiyyə vurulmuş ziyanla əlaqədar verilə bilən iddialar üzrə reqressant qismində çıxış edir və bunun nəticəsində zərər çəkmiş tərəflər bu Məcəllənin 19 və 22-ci maddələrinə uyğun olaraq zərərin əvəzinin ödənilməsini tələb edə bilərlər.[277]

557.2. Öhdəliyin xitamı üçün əsas olmuş dövlət və ya bələdiyyə orqanının aktı müəyyənləşdirilmiş qaydada etibarsız sayıldıqda, əgər tərəflərin razılaşmasından və ya öhdəliyin mahiyyətindən ayrı qayda irəli gəlmirsə və öhdəliyin icrasına kreditorun marağı itməyibsə, öhdəlik bərpa edilir.”

 

Mərkəzi Bankın birdən-birə, gözlənilmədən manatı 34-70 faiz devalvasiyaya uğratması Sizə bu hüququ verir.

 

5. Seçim Sizindir. Çətinliyə düşsəniz, etibar etdiyiniz bir hüquqşünasın köməyindən mütləq istifadə edin. İstər banka yazacağınız təklifin, istərsə də məhkəmə sənədlərinin tərtibində qanunun tələblərinə əməl etmək vacibdir.

6. İndilik Sizə səbr və problemsiz mənzil almaq imkanı arzulayıram. ALLAH(c.c)dan ümidinizi üzməyin və “O”-na güvənin. Bizi darda qoymaz. Səbrlə mübarizə aparın. Haqqı uğrunda mübarizə aparmaq imandandır.

 

Uğurlar.Hörmətlə.

 

 

Marked as spam
Redaktor tərəfindən göndərilmişdir
28 Yanvar 2016 10:39 radələrində cavablandırılıb
« Əvvəlki səhifəyə geri dön