Bankda nağd pul kreditləri

« Əvvəlki səhifəyə geri dön
0
0

Salam Qurban bəy,

Men problemlerimle elaqeli olaraq 3 muxtelif bankdan kredit almisam ve odenislerimi elemisem, sonradan islediyim sirket baglandi ve men issiz qaldim, banklara odenis ede bilmedim, banklar ise meni mehkemeye verdi.

Girova hec ne qoymamisam, meblegleri 2000, 1500 , 1500 AZN-dir.

Icra sobesinden cagiris gelib.

Men aileliyem, bir ovladim var, issiz yasamaq mumkun deyil. Bir terefden de, bu kreditler yuklenib! Xahis edirem, bu odenisleri minimum hansi mebleglerle odeye bilerem ve 3 bank eyni bir muddetde mehkemeye verdiyine gore ciddi problem olmazmi?

Bu hal ile elaqeli inzibati hebs varmi?

Cox xahis edirem, zehmet olmasa cavablandirardiniz?

Çox sağ olun.

Marked as spam
Vadim Poladxanov tərəfindən göndərilmişdir
15 Yanvar 2016 14:40 dəqiqədə yazılıb.
1602 baxış
0
Məxfi cavab

Salam. ALLAH(c.c) balalarınıza və Sizə can sağlığı, ailə xoşbəxtliyi və səbr versin!

1. Məhkəməyə verilməniz heç bir ciddi problem yarada bilməz. Əksinə, məhkəmələr adətən, bankların tələb etdikləri cərimə, dəbbə pulu və əlavə faizləri silirlər.

2.Mülki öhdəliyi yerinə yetirməməyə görə, insan cəzalandırıla bilməz, o cümlədən inzibati qaydada. Bu, beynəlxalq hüquq normaları ilə təsbit edilib.

3. Məhkəmə banklara olan borcunuzun Sizdən tutulub banklara ödənilməsi barədə qətnamə qəbul edəcək. Qətnamə icra edilməsi üçün yaşadığınız rayonun icra şöbəsinə göndəriləcək. Oradan Sizə, qətnaməni könüllü icra etməyiniz üçün, müəyyən vaxt veriləcək (3-5 gün). Siz dərhal icra şöbəsinə yazın ki, qətnaməni icra etmək istəyirsiniz, lakin… vəziyyətinizi təsvir edin və xahiş edin ki, əmək haqqınıza yönəltsinlər.

4.Tutmalar əmək haqqınızın 50 faizindən artığına yönəldilə bilməz.

5. Əgər əmək haqqınızdan 50 faiz tutulması ailənizin yaşamına problem yaradırsa, yaşayış minimumun hədlərinə istinad edərək, Mülki prosessual Məcəllənin 231-ci maddəsinə əsasən, qətnaməni qəbul edən məhkəməyə müraciət edərək, tutma faizinin azaldılması barədə qərardad qəbul edilməsini xahiş edin.

Həmin maddədə (qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi, icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması) deyilir: “İşə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır.”

6. Çətinlik çəksəniz, mütləq etibar etdiyiniz, tanıdığınız bir hüquqşünasın köməyindən istifadə edin. Unutmayın: vaxtında hüquqi yardım üçün ödədiyiniz pul, nəticədə Sizi daha böyük ziyanlardan qoruyacaqdır. Ancaq hüquqşünas mütləq etibarlı şəxs olmalıdır.

Marked as spam
Redaktor tərəfindən göndərilmişdir
15 Yanvar 2016 23:12 radələrində cavablandırılıb
« Əvvəlki səhifəyə geri dön