Kredit müqaviləsində dollar göstərilmədiyi halda, bank evlərini girov qoyanlardan dollar tələb edir. Bu halda tələb girob evlərə yönəldilə bilərmi?

« Əvvəlki səhifəyə geri dön
0
0

Bankla kredit alan arasında AZN-lə kredit müqaviləsi bağlanmışdır (müqavilələrdə valyuta ilə kredit verilməsi nəzərdə tutulmayıb)və iki kənar şəxs təminat olaraq evlərini girov qoymuşdur. Bank girov qoyanlara məlumat və xəbərdarlıq etmədən Krediti ABŞ dolları ilə vermişdir. İş məhkəməyə verilib. Girov qoyanlar valyuta ilə kredit verilməsinə dair heç bir razılığı yoxdur. Müqavilədə də nəzərdə tutulmayıb.

Belə olan halda borc məbləği ipoteka qoyulmuş əmlaka yönələ bilərmi?

Marked as spam
Elman110 tərəfindən göndərilmişdir
26 Yanvar 2016 11:07 dəqiqədə yazılıb.
243 baxış
0
Məxfi cavab

Salam, Elman bəy!

1. Sualınızı dəqiqləşdirin, lütfən. Bir tərəfdən deyirsiniz ki, “Bankla kredit alan arasında AZN-lə kredit müqaviləsi bağlanmışdır (müqavilələrdə valyuta ilə kredit verilməsi nəzərdə tutulmayıb)”, ardınca da yazırsınız: “..Krediti ABŞ dolları ilə vermişdir”.

2. “Girov müqaviləsi” əsas müqavilənin təminatı kimi bağlanır. Ona görə də “Girov müqaviləsi”ndə hansı müqavilənin təminatı olduğu göstərilir və əsas müqavilə “Girov müqaviləsi”nin tərəflərinə təqdim edilməlidir.Ən azı “Girov müqaviləsi”nin tərəfləri əsas müqavilənin şərtləri ilə tanış edilməlidirlər. Bu şərtlərə əməl edilmədən bağlanan müqavilələr etibarsızdır.

3. “Girov müqaviləsi”ndə, məhz dollarla bağlanmış kredit müqaviləsinin təminatı olduğu göstərilməyibsə, bank dollarlsa bağlı heç bir tələb irəli sürə bilməz.

4. MPM-nin 155-156-cı maddələrinə əsasən, Siz qarşılıqlı iddia verib “Kredit müqaviləsi”nin etibarsızlığını tələb etməlisiniz. Buna nail ola bilsəniz,  girov qoyanların mənzillərini xilas edə bilərsiniz. 

Mülki Məcəllənin  280-ci ( Girov müqaviləsi) maddəsinə əsasən,

 

280.1. Girov müqaviləsi yazılı formada bağlanmalıdır.

 

280.2. Girov müqaviləsində tərəflərin adı və yaşayış yeri (olduqları yer), girovun predmeti, girovla təmin edilən öhdəliyin mahiyyəti, ölçüsü və icra müddəti göstərilməlidir.

280.3. Bu Məcəllədə nəzərdə tutulan hallarda girov müqaviləsi notariat qaydasında təsdiqlənməli, girov hüququ isə dövlət qeydiyyatına alınmalıdır.

280.4. Bu maddənin qaydalarına riayət edilməməsi girov müqaviləsinin etibarsızlığına səbəb olur. Belə müqavilə əhəmiyyətsiz sayılır.

 

5. Çətinliyə düşsəniz, etibar etdiyiniz bir hüquqşünas-nümayəndənin köməyindən istifadə edin.

 

Uğurlar.Hörmətlə.

 

Marked as spam
Redaktor tərəfindən göndərilmişdir
26 Yanvar 2016 18:12 radələrində cavablandırılıb
« Əvvəlki səhifəyə geri dön