Borc telebi

« Əvvəlki səhifəyə geri dön
0
0

Salam. Her vaxtınız xeyir. Menim atam 3 il bundan evvel bir dostuna zamin durmuşdu. Borclu ödeye bilmediyi üçün 2016 cı ilde mehkeme emri çıxarılıb ve ödeme atamın pensiyasına yöneldilib. Hal  hazırda borc atamın pensiyası sayəsində tamam ödənilib. Hardasa 500 manat kartdan tutuş oldu. Biz hemin pulu esas borclu olan şexsden teleb ede bilerik mi? Hansı esaslarla ede bilerik. Biz nece sübut ede bilerik ki kartdan 500 manat tutuş olduğunu? Onu da deyim ki borclunun heç ne vecine deyil. Biz pul ödeyirik o da bütün günü orda burda əylənir. Sağ olun

Marked as spam
Emir Quliyev tərəfindən göndərilmişdir
08 Oktyabr 2017 22:33 dəqiqədə yazılıb.
175 baxış
0
Məxfi cavab

Salam, hörmətli Emir bəy.

1. Mülki Məcəllənin  475-ci (öhdəliyi icra etmiş zaminin hüquqları) maddəsinə əsasən,  “475.1. Öhdəliyi icra etmiş zaminə kreditorun həmin öhdəlik üzrə hüquqları və kreditora girov saxlayan kimi mənsub olmuş hüquqlar zaminin kreditorun tələbini ödədiyi həcmdə keçir. Zamin həmçinin borcludan kreditora ödənilmiş məbləğdən faizlər ödəməyi və borclunun əvəzinə məsuliyyətlə bağlı çəkdiyi digər zərərin əvəzini ödəməyi tələb edə bilər. 475.2. Zamin öhdəliyi icra etdikdən sonra kreditor borcluya qarşı tələbi təsdiqləyən sənədləri zaminə təqdim etməyə və həmin tələbi təmin edən hüquqları verməyə borcludur. 475.3. Bu maddədə müəyyənləşdirilmiş qaydalar bu Məcəllədə və ya zaminin borclu ilə müqaviləsində ayrı qayda nəzərdə tutulmadıqda və onlar arasında münasibətlərdən ayrı qayda irəli gəlmədikdə tətbiq edilir.”

Gördüyünüz kimi, bu maddəyə əsasən, siz əsl borcluya qarşı iddia qaldırıb zaminlik nəticəsində sizə dəyən ziyanı tələb edə bilərsiniz.

 

2. Eləcə də, bu maddənin 2-ci bəndinə əsasən, bank lazım olan sənədləri, arayış və məlumatları , kartınızdan tutulan məbləğlərin çıxarışını sizə verməyə borcludur.

 

Yaxşı olar ki, etibar etdiyiniz bir hüquqşünasın yardımından istifadə edəsiniz.

Hörmətlə.

Marked as spam
Qurban Məmmədov tərəfindən göndərilmişdir
09 Oktyabr 2017 02:29 radələrində cavablandırılıb
« Əvvəlki səhifəyə geri dön