Məsləhətə görə 20 AZN çox deyilmi?

« Əvvəlki səhifəyə geri dön
0
0

Salam,

Xalqın salındığı bu ağır durumda 1 suala cavab almaq üçün 20 AZN cox deyilmi?

Ünvana gəlmək istədim, sizin ofisə, əvvəlcə dedim qoy soruşum bu xidmət mənə neçəyə başa gələcək?

Mənə hüquqi məsləhətin 20 AZN olacağını dedilər, mənsə suallara pulsuz cavab verildiyini eşitmişdim.

Söhbət saytdakı cavablandırılmadan gedir, yoxsa hüquq məsləhətxanasından?

Marked as spam
rashid tərəfindən göndərilmişdir
02 Fevral 2016 10:05 dəqiqədə yazılıb.
433 baxış

cox saq olun izaha gore.minnetdaram size

(rashid at 02 Fevral 2016 23:36)
0
Məxfi cavab

Salam.

Hörmətli Rəşid bəy! 

1. Təbii ki, sizi qane etməyən qiymətlərlə mal və xidmətlər almaq zorunda deyilsiniz. Heç kimin sizi buna zorlamaq ixtiyarı yoxdur.

2. Hüquqi məsləhətin, hüquqi yardımın qiymətini o məsləhəti verən, o hüquqi yardımı göstərən təyin edir. Qiymət Sizi qane etmirsə, şəhərimizdə yüzlərlə hüquqi xidmət göstərən firma və fiziki şəxslər var, istədiyiniz birinə müraciət edə bilərsiniz. 20-50 manat arasında dəyişən qiymətlər var, hərə öz məsləhətinin keyfiyyətindən asılı olaraq qiymət müəyyənləşdirir.

3.Şəxsən mənim burada, sayt vasitəsi ilə verdiyim məsləhətlər pulsuzdur və buna sərf etdiyim saatlarla vaxtı, enerjini, sağlamlığımı və gözümün nurunu xalqıma ehsan demişəm, bunu  ALLAH(c.c) rizası üçün edirəm.

4. Ofislərdə göstərilən xidmətlər isə, başqa şərtlər də nəzərə alınmaqla, pulludur. Yuxarıda qeyd etdiyim kimi, qiymətləri də mal və ya xidmət satanlar, eləcə də bazar qanunları müəyyənləşdirir. Məsələn, “Maykrosoft” şirkəti ilə bir firmanın məhkəmə çəkişməsi zamanı, sadəcə bir məsləhətinə görə amerikalı bir hüquqşünas 180 milyon dollar əmək haqqı almışdı.

5. Bir məsələdə haqlısınız ki, indiki ağır iqtisadi durumda tərəflər bir-birini ötüşdürməlidirlər: müştəri başa düşməlidir ki, məsləhət verən, mal satan ona borclu deyil ki vaxtını və malını əvəzsiz olaraq ona  sərf etsin, eləcə də məsləhətçi və mal sahibi nəzərə almalıdır ki, alıcının imkanı necədir. Bir sözlə, bu məsələlərdə azad iqtisadiyyat, bazar qanunları fəaliyyətdədir. 

hörmətlə.

 

Marked as spam
Redaktor tərəfindən göndərilmişdir
02 Fevral 2016 14:27 radələrində cavablandırılıb
« Əvvəlki səhifəyə geri dön