“NikOil Bank”-a qarşı, bizə nümayəndəlik edərsinizmi, Qurban bəy?

« Əvvəlki səhifəyə geri dön
0
0

Salam Qurban müellim!

Biz dollar krediti ilə baglı sizin göstərdiyiniz banka teklif qaydasını özümüze uyğunlaşdırıb təklifi Nikoil banka göndərdik.

Buna göre sizə çox minnətdarıq sag olun ki onu tərtib etmisiniz amma orda məhkəməyə iddia ərizəsini mütleq 10 günü keçdikdən sonra qaldıra bilərik?

Bankın cavabın gözləmədən məhkəmədə iddia qaldıra bilərikmi?

Çünki bundan evvel onlara çoxlu sayda məktub yazmışıq cavab yazmayıblar.

Həm də yanvarın ayinda Nikoil bank bizə yeni məzənnə ilə baglı Suraxanı məhkəməsində iddia qaldırıb yanvarın 28-i məhkəmədi..indi bu tarixə qədər biz dövlət rüsümu ödəməklə iddia qaldıra bilərik?

Hörmətli Qurban müellim yanvarın 28-i bizi vəkil olaraq məhkəmədə müdafiə ede bilərsiz?

Vaxtınız olar?

Eger qebul etseniz evvelceden sizə teşekkür edirik və xahiş edirik ki müqavilə üçün ödenecek məbləgi qeyd edesiniz və ödəniləcək məbləg nə vaxt ödəniləcək yazasınız.

Bunun üçün biz evvelceden hazırlıqlı olmaq isteyirik.

Hörmətlə:

İbrahimov Elşən ( Saatlı rayonu)

Marked as spam
Elshen tərəfindən göndərilmişdir
25 Yanvar 2016 20:43 dəqiqədə yazılıb.
341 baxış
0
Məxfi cavab

Salam, hörmətli Elşən bəy!

1.      10 günlük müddət şərtidir. Müddəti Siz müəyyən etməlisiniz. Ancaq 10 gün də cavab almaq üçün kifayətdir.

2.      Mülki Məcəllənin 422-423-cü maddələrinə əsasən, müqavilənin ləğv edilməsi və ya dəyişdirilməsi ilə bağlı əvvəl qarşı tərəfə təklif verilməli, sonra məhkəmədə iddia qaldırılmalıdır. İddia müddəti isə rəsmi cavab aldığınız gündən sonrakı bir aydır.

3.      Bank cavab verməyəcəksə, təklifdə göstərilən müddət keçdikdən sonrakı bir ay ərzində iddia qaldıra bilərsiniz.

4.      30 manat dövlət rüsumu ödəməklə, qarşılıqlı iddia qalıdra bilərsiniz. MPM-nin 155-156-cı maddələrinə əsasən, qarşılıqlı iddia işə baxılanadək  verilməlidir.

Maddə 155. Qarşılıqlı iddianın verilməsi

 

155.1. Cavabdeh ilk iddia ilə birlikdə baxılmaq üçün iddiaçıya qarşılıqlı iddia verməyə haqlıdır. Qarşılıqlı iddia işin baxılmasına başlanana kimi verilməlidir. [85]

        155.2. Məhkəmə baxışı zamanı qarşılıqlı iddia o halda verilə bilər ki, onun verilməsi üçün əsaslar məhkəmə baxışı  

        gedişində əmələ gəlmiş olsun.

155.3. Qarşılıqlı iddianın verilməsi iddia verilməsinin ümumi qaydaları əsasında həyata keçirilir.

 

Maddə 156. Qarşılıqlı iddianın qəbul edilməsi şərtləri

 

156.1. Hakim qarşılıqlı iddianı aşağıdakı hallarda qəbul edir:

156.1.1. qarşılıqlı tələb ilk tələbin qarşılıqlı ödənilməsinə yönəlmişsə;

156.1.2. qarşılıqlı iddianın təmin edilməsi ilk iddianın tam və ya qismən təmin edilməsini aradan qaldırırsa;

156.1.3. qarşılıqlı və ilk iddia arasında qarşılıqlı əlaqə vardırsa və onlara birlikdə baxılması mübahisələrə daha tez və düzgün baxmaqla nəticələnərsə.

156.2. Qarşılıqlı iddianın qəbul edilməsi məsələsinə zəruri hallarda və yaxud iddia verən şəxsin vəsatəti üzrə iddianı verən şəxsin və yaxud işdə iştirak edən şəxslərin iştirakı ilə baxıla bilər.

 

 

5.      Məmnuniyyətlə, Sizə nümayəndəlik edərəm.

6.       28 yanvaradək ofisə gəlməyiniz, mənim adıma etibarnamə verməyiniz, iş üzrə bütün sənədləri, tanış olmaq üçün mənə verməyiniz lazım gələcək.

7.      Əmək haqqı ilə bağlı. Mən ALLAH(c.c) qarşısında niyyət etmişəm ki, bu bank problemlərində vətəndaşlarımızı pulsuz, təmənnasız təmsil edim.

8.       Bəri başdan çəkəcəyiniz xərc: 30 manat dövlət rüsumu, ofisdə Sizin işlərinizi yazacaq əməkdaşımızın halallığı (100-300 manat)

9.      İmkanınız olsa, mənim məhkəməyə gedib-gəlmək haqqım və gələcəkdə  faktik cəkə biləcəyim xərclər.

 

P.S. Vacib deyil ki, mənimlə əməkdaşlıq edəsiniz. Etibar etdiyiniz istənilən hüquqşünasın köməyindən istifadə edə bilərsiniz.

 

Uğurlar. Hörmətlə.

 

 

Marked as spam
Redaktor tərəfindən göndərilmişdir
26 Yanvar 2016 00:10 radələrində cavablandırılıb
Hörmətli Qurban müellim çox sag olun. Allah razı olsun…
(Elshen at 26 Yanvar 2016 00:18)
« Əvvəlki səhifəyə geri dön