Bank tərəfindən maşının üzərinə həbs qoyula bilməməsi üçün nə etməliyəm?

Salam, Elşən bəy!

1. Əgər Siz də maşından qanuni qaydada, lisenziya almaqla, taksi kimi istifadə edirsinizsə,  yaxud da maşın ailənizin dolanışığı üçün vacib bir elementdirsə, məsələn, ALLAH(c.c) uzaq eləsin, xəstəniz varsa, uşağı məktəbə aparmaq zəruridirsə və s., eləcə də, krediti ödəməkdə maşının xüsusi rolu varsa,  onda Siz məhkəmədə maşın üzərində həbs qiyulmamasını əsaslandıra bilərsiniz.

Bununçün, MPM-nin 157-158-ci maddələrinə istinad etməyiniz lazımdır.

2. İddianı Siz qaldırmısınızsa, iddianı təmin etmək tədbiri kimi  “bankın üzərinə,  maşından istifadə etməyinizə mane olmağı qadağan etməyi” xahiş edə bilərsiniz. MPM-nin  158.1.2-ci maddəsinə (müəyyən hərəkətləri etməyi cavabdehə qadağan etmək) istinad etməklə, iddia ərizəsi ilə birlikdə, bu barədə də ayrıca ərizə verin.

3. Çətinliyiniz olsa, etibar etdiyiniz bir hüquqşünasın köməyindən istifadə etməyiniz məsləhətdir. Bəzən səhv yazılan ərizə sonradan böyük problemlər yaradır.

Uğurlar. Hörmətlə.