Kredit həyat yoldaşımın adına götürülüb, ödəməli olan şəxs tapılmır, yoxa çıxıb, nə etməli? (“Kapital Bank”)

« Əvvəlki səhifəyə geri dön
0
0

SALAM Qurban muellim.

Cox uzr istiyirem, bir şeyi sizden öyrenmek isteyirem:

Bir nefer heyat yoldasimin adina “Kapital Bank”dan pul goturub, indi isə tapilmir.

Bank yoldasimin pensiyasini musadire edib. Her ay pul cixilir!

Əvvəl xeberim olmayib, indi bilmişem, ona gore sorusuram.

Bu ay 255 manat cixacaqlar, pensiyanin meblegi 370 manatdir.

Öyrenmek istiyirem, bu adamı tapib, pulu mehkeme yolu ile odetdirmek olarmi?

Sonra, bankin bu hereketi ne derecede duzgundur?

Bizim aile 4 neferdən ibarətdir, 2 oğlum turkiyede tehsil alir. Hec birimiz islemirik, onlari oxutmaq ucun banka borca da girmisik. Hec onu da vere bilmirik. Bildiyime göre, evde boyuk adamlarin her birine 146 man dusmelidi.

Oğlanlarim bilmirler oxusunlar, ya islesinler?! – birini getirmisem.

Yəni bu ölkədə qanundan danismagina deymez! Menim usaglarim tehsilsiz qalir. Men ABU-da muellime islemisem. Baglandi, hec bir kompensasiya odenilmedi! – qaldim issiz.

Hec bir imkanimiz yoxdu indi. Hec olmasa pensiyani ozumuz ala bilseydik, deyim ki, muraciet edilen vekiller cox pul isteyirler beri basdan.

Bizde de pul yoxdu.

Bize bir cixis yolu gostere bilərsinizmi?

Allah sizden razi olsun! Allah komeyiniz olsun.

Marked as spam
Nuru tərəfindən göndərilmişdir
16 Yanvar 2016 11:01 dəqiqədə yazılıb.
537 baxış
0
Məxfi cavab
Hamı üçün maraqlı və faydalı olan suala görə təşəkkürlər, Nuru bəy! Əvvəlcədən deyim ki, özünüz buraxdığınız səhvin cəzasını çəkirsiniz. Başqası Sizin adınıza niyə kredit götürməli idi? Bu bir həyat dərsidir Sizə, ondan inciməyin, dərs çıxarın, bu da Sizin xeyriniz. İndi isə cavablarla tanış olun. 1. Siz mütləq pensiyanızdan tutmaları həyata keçirən orqandan bunun hüquqi əsasını tələb edin. Hansı orqanın, hansı sənədinə görə pensiyanızdan bu ödəmələr həyata keçirilir? 2. Əmək Məcəlləsinin 176-cı maddəsinə əsasən, “1. Hər dəfə əmək haqqı verilərkən tutulan bütün məbləğlərin ümumi miqdarı işçiyə verilməli olan əmək haqqının iyirmi faizindən və müvafiq qanunvericilikdə nəzərdə tutulmuş hallarda isə əlli faizindən artıq ola bilməz. 2. Əmək haqqından bir neçə icra sənədinə əsasən məbləğlər tutularkən, bütün hallarda işçinin əmək haqqının əlli faizi saxlanmalıdır. 3. Bu maddənin birinci və ikinci hissələri ilə müəyyən edilmiş məhdudiyyətlər islah işləri çəkərkən habelə alimentlərin tutulması, sağlamlığa vurulmuş ziyanın ödənilməsi, ailəni dolandıranın itkisi nəticəsində zərər çəkmiş şəxslərə vurulmuş ziyanın ödənilməsi və cinayət nəticəsində vurulmuş ziyanın ödənilməsi zamanı işçiyə verilən əmək haqqından məbləğlərin tutulmasına şamil edilmir.” “Əmək pensiyaları haqqında” Qanunun 39-cu maddəsinə (artıq ödənilmiş əmək pensiyasının və əmək pensiyasına əlavənin məbləğinin tutulması) əsasən, 39.1. Artıq ödənilmiş əmək pensiyası və əmək pensiyasına əlavənin məbləği əmək pensiyaçısının razılığı ilə əmək pensiyasını təyin edən orqanın qərarı əsasında, razılığı olmadıqda məhkəmə qaydasında tutulur. 39.2. Bu Qanunun 39.1-ci maddəsində göstərilmiş əsaslarla əmək pensiyasından və əmək pensiyasına əlavədən tutulan məbləğ, başqa əsaslara görə tutulan məbləğlər nəzərə alınmadan, əmək pensiyaçısına ödənilməli olan məbləğin 20 faizindən artıq ola bilməz. 39.3. Bütün hallarda qanunvericiliklə müəyyən edilmiş cəmi tutulan məbləğ əmək pensiyaçısına veriləcək əmək pensiyası və əmək pensiyasına əlavənin məbləğinin 50 faizindən artıq olmamalıdır. 39.4. Borc ödənilib qurtarmamış əmək pensiyasının və əmək pensiyasına əlavənin verilməsi qanunvericiliyə əsasən dayandırılarsa, borcun qalan hissəsi könüllü və ya məhkəmə qaydasında qaytarılır.” “İcra haqqında” Qanunun 65-ci maddəsinə(borclunun əmək haqqından və digər gəlirlərindən tutulan məbləğin miqdarı) əsasən, “65.1. İcra sənədi icra edilərkən borclunun əmək haqqından və ona bərabər sayılan digər gəlirlərindən tutmaların məbləği 50 faizdən çox ola bilməz. 65.2. Tələb, bir neçə icra sənədi üzrə borclunun əmək haqqına və ona bərabər sayılan digər gəlirlərinə yönəldildikdə, qazancın 50 faizi borcluda qalmalıdır. 65.3. Alimentlərin tutulması, sağlamlığa vurulmuş ziyanın ödənilməsi, ailəni dolandıranın itkisi nəticəsində zərər çəkmiş şəxslərə vurulmuş ziyanın ödənilməsi və cinayət nəticəsində vurulmuş ziyanın ödənilməsi zamanı bu Qanunun 65.1-ci və 65.2-ci maddələri ilə müəyyən edilmiş məhdudiyyətlər tətbiq edilmir. Belə hallarda əmək haqqından və ona bərabər sayılan digər gəlirlərdən tutmaların məbləği 70 faizdən çox ola bilməz. 65.4. Tələbin borclunun təqaüdünə, pensiyasına, müəlliflik və əlaqəli hüquqlardan istifadəyə görə müəlliflik mükafatlarına yönəldildiyi hallarda da bu Qanunun 65-ci maddəsi ilə müəyyən edilmiş qaydalar tətbiq edilir.” Gördüyünüz kimi, İstənilən tutma, qanunda göstərilən istisnalar nəzərə alınmaqla, əmək haqqının və ya pensiya məbləğinin 50 faizindən çox ola bilməz. Məlumat üçün onu da bildirim ki, Nazirlər Kabinetinin 5 iyun 2002-ci il tarixli, 89 saylı “Fiziki şəxs barəsində icra sənədi icra olunarkən tələbin yönəldilməsinə yol verilməyən əmlak növlərinin dəqiq Siyahısının təsdiq edilməsi barədə” Qərarı ilə təsdiq edilmiş “Fiziki şəxs barəsində icra sənədi icra olunarkən tələbin yönəldilməsinə yol verilməyən əmlak növlərinin dəqiq SİYAHISI”na uyğun olaraq, Bu Siyahının qeyd hissəsində nəzərdə tutulmuş hallar istisna olmaqla, fiziki şəxs barəsində icra sənədi icra olunarkən aşağıdakı əmlaklara tələbin yönəldilməsinə yol verilmir: 1) borclu və onun ailəsinin sanitariya normaları çərçivəsində birgə yaşamalarını təmin edəcək mənzil, ev və ya onun ayrı-ayrı hissələri, həmçinin onların altında olan həyətyanı torpağa (bir ailə üçün bir ev və ya mənzildən çox olmamaq şərti ilə); 2) əsas məşğuliyyəti kənd təsərrüfatı olan borclu və onun ailəsinin təsərrüfat tikililəri və ya ayrı-ayrı hissələri, həmçinin onların altında olan torpağa; 3) əsas məşğuliyyəti kənd təsərrüfatı olan borclu və onun ailəsi üçün 1,0 hektaradək kənd təsərrüfatı təyinatlı torpaq sahəsinə; 4) əsas məşğuliyyəti kənd təsərrüfatı olan fiziki şəxslərin hər növ mal-qara və digər ev heyvanından bir baş və ev quşlarından bir cütünə; 5) əsas məşğuliyyəti kənd təsərrüfatı olan fiziki şəxslərin yeni yem yığılanadək və ya mal-qara örüşə çıxarılanadək mal-qara üçün lazım olan yemə; 6) əsas məşğuliyyəti kənd təsərrüfatı olan borclu fiziki şəxslərə növbəti əkin üçün lazım olan toxuma; 7) əsas məşğuliyyəti kənd təsərrüfatı olan borclu fiziki şəxs və onun ailəsi üçün yeni məhsul yetişdirilənədək zəruri olan azuqəyə, digər borclular üçün isə bir aylıq dolanışıq azuqəsinə; 8) xörək hazırlamaq və ailənin yaşayış mənzilini qızdırmaq üçün mühüm əhəmiyyəti olmayan qızdırıcı soba və mövsüm ərzində lazım olan yanacağa; 9) borclunun peşə fəaliyyətinin davam etdirilməsi üçün zəruri olan avadanlıq, o cümlədən ixtisas üzrə kitablar və vəsaitlərə; 10) əlillərin və ya sağlamlıq imkanları məhdud uşaqların hərəkəti üçün xüsusi nəqliyyat vasitələrinə; 11) əsas dolanacaq mənbəyi ov olan şəxslərin odlu silah, döyüş sursatı və digər ov alətlərinə; 12) borclu və onun ailə üzvlərinin qazandıqları beynəlxalq və başqa prizlərə; 13) borclu və onun ailə üzvləri üçün lazım olan aşağıdakı ev avadanlıqları, əşyalar və paltarlara: a) hər bir şəxs üçün paltar: bir yay, bir payız paltarı, bir qış paltosu və ya başqa üst geyimi, bir qış kostyumu (qadınlar üçün iki dəst qış paltarı), bir yay kostyumu (qadınlar üçün iki dəst yay paltarı), hər bir mövsüm üçün bir baş geyimi (qadınlar üçün bundan əlavə yay üçün iki baş yaylığı və bir isti baş yaylığı və ya baş şalı), uzun müddət istifadə edilmiş və qiymətini itirmiş digər paltar və baş geyimləri; b) geyilmiş ayaqqabı, alt paltarı, istifadə edilmiş yataq ləvazimatı, qiymətli materiallardan hazırlanmış, habelə bədii dəyəri olan şeylər istisna edilməklə qab-qacaq və mətbəx ləvazimatı; c) mebel — hər bir şəxs üçün bir çarpayı və stul, bir ailə üçün bir stol, bir şkaf, bir sandıq, mənzildə olan bir soyuducu, bir radio və bir televizor; ç) bütün uşaq ləvazimatı. Qeyd. Bu Siyahı ev tikmək və ya almaq üçün kredit təşkilatı tərəfindən verilmiş kreditin tutulması hallarına, habelə girov və ipoteka ilə yüklü edilmiş əmlaka şamil edilmir. 3. Ailə vəziyyətiniz borc münasibətlərində nəzərə alınmamalıdır. Bunu krediti götürəndə düşünmək lazım idi. 4. Krediti götürüb aradan çıxan vətəndaşa qarşı məhkəmədə iddia qaldıra bilərsiniz. 5. Mən Sizə təmənnasız (sənədlərinizi hazırlayacaq işçinin 100 manat halallığı istisna olmaqla) nümayəndəlik xidməti göstərməyə hazıram. Sənədlərinizlə birlikdə ofisimizə yaxınlaşa bilərsiniz. Sizə uğurlar arzulayıram. Hörmətlə.
Marked as spam
Redaktor tərəfindən göndərilmişdir
17 Yanvar 2016 01:23 radələrində cavablandırılıb
« Əvvəlki səhifəyə geri dön