Huquq muhafize orqanlari idarelerine devet olunma qaydasi.

« Əvvəlki səhifəyə geri dön
0
0

Salam, bilmek isterdim polis ve ya diger huquq muhafize orqani emekdawlari terefinden vetendawin polis bolmesine ve ya diger aidiyyati idareye devet edilmesi proseduru hansi wekilde olmalidir, bunun hansi mesele ile elaqedar olmasi izah edilmeden wifahi formada edilmesi duzgundurmu? Umumiyyetle bu meselenin huquqi terefi haqqinda melumat almaq isterdim.

Marked as spam
Celal Haciyev tərəfindən göndərilmişdir
19 Noyabr 2017 08:56 dəqiqədə yazılıb.
252 baxış
0
Məxfi cavab

Salam, Cəlal bəy.

Azərbaycan Respublikasının Cinayət Prosessual Məcəlləsinin 226-cı maddəsinə  (dindirməyə çağırışın qaydaları) əsasən,  “226.1. Şahid, zərər çəkmiş, şübhəli, təqsirləndirilən şəxs və başqa şəxslər müstəntiqin yanına şəxsən, özləri olmadıqda isə onların yetkinlik yaşına çatmış ailə üzvlərindən, qonşularından, mənzil istismar təşkilatının nümayəndələrindən birinə və ya onların iş, yaxud təhsil yeri üzrə verilən çağırış vərəqəsi ilə çağırılırlar. Onlar həmçinin teleqram, telefonoqram, faksoqram vasitəsilə çağırıla bilərlər.

226.2. Çağırış vərəqəsində kimin, hansı prosessual qisimdə çağırıldığı, habelə çağırılan şəxsin haraya və nə vaxt (gəlmə günü və saatı) gəlməli olduğu göstərilir. Çağırış vərəqəsində çağırılan şəxsin gəlmədiyi halda onun bu Məcəllənin 178-ci maddəsində nəzərdə tutulmuş qaydada məcburi gətirilməyə məruz qala biləcəyi barədə xəbərdarlıq qeyd olunur.

226.3. Yetkinlik yaşına çatmayan şəxslər, bir qayda olaraq, onların qanuni nümayəndələri vasitəsi ilə çağırılırlar.

226.4. Həbsdə saxlanılan şübhəli və təqsirləndirilən şəxs həbs yerinin müdiriyyəti vasitəsilə çağırılır.”

Gördüyünüz kimi, çağırılan şəxsə:

— kimin,

–hansı prosessual qisimdə çağırıldığı,

–habelə çağırılan şəxsin haraya və

— nə vaxt (gəlmə günü və saatı) gəlməli olduğu bildirilməlidir.

Çağırışın hansı məsələ ilə əlaqədar olmasının  əvvəlcədən bildirilməsi tələb edilmir. Bu, yalnız dindirmə zamanı elan edilir.

Sizə məsləhət görürəm ki, Siz də yaxınlarınıza, tanıdığınız bütün insanlara izah edin ki, istənilən dövlət orqanına, xüsusilə də polis və prokurorluq orqanlarına çağırılarkən nümayəndənizlə birlikdə getmək hüququnuz var.

Bu nümayəndənin isə vəkil olması zəruri deyil. istənilən bir hüquqşünasa, istənilən bir şəxsə, qonşunuza, qohum və dostunuza etibarnamə verib özünüzlə apara bilərsiniz. Yetər ki, həmin etibarnamənin məhkəmədə nümayəndəlik üçün verilməsi yazılMAsın.

Etibar etdiyiniz, inandığınız bir hüquqşünasın hüquqi yardımından istifadə etməyiniz sizi təzyiq və təhqirlərdən, ifadənizin təhrif edilməsindən və özünüzə qarşı istifadə edilməsindən qoruyar.

Sizə uğurlar arzulayıram.

Hörmətlə.

Marked as spam
Qurban Məmmədov tərəfindən göndərilmişdir
19 Noyabr 2017 10:15 radələrində cavablandırılıb
« Əvvəlki səhifəyə geri dön