II-ci qrup 55 manat müavinat alan şəxs 154 manat alimenti necə ödəsin?

« Əvvəlki səhifəyə geri dön
0
0

Salam Qurban müəllim sizi salamlayıram sizə bir müddət öncə sualım olmuşdu (Mənzilə köçürülmə verilən evə kirayəşin yerləşdirmək olarmı?) çox sağulun cavablandırdığınız üçün minnətdaram. Qeyd edim ki, biz alimentin əvəzinə həmin evidə təklif etdik ama çətin adama rast gəlmişik nə yazıq ki, evidə əlimizdən almaq istəyir əlavə alimetndə. Çıxılmaz vəziyyətə salıblar bizi bilmək istəyirik başqa necə etmək olar hara müraciyyət edək bizə kömək etsinlər. Prezidentə müraciyyət edsək baxarlarmı? uşağa 154 manat alimet kəsir II-ci qrup olan atasına 55 manat müavinat verir. Guya uşağa qayğı göstərilir eynizamanda uşağın atasını oğurluq etməyə məcbur edirlər hakimdə deyir get oğurluq elə prezidentin qərarıdı. Bizə bu vəziyyətdən çıxış yolunu çıxmaqda necə köməkliyini göstərə bilərsiniz. Xahiş edirik sizdən bu barədə öz videolarınızın birində Milli Məclisdə qaldırılmasını təklif edəsiniz ki, II-ci qrup müavinat alanlar dövlət tərəfindən güzəşt olunsun. Bəlkə orda oturub boş-boş danışanlar eşidib bir qərara gələlər. Hörmətlə

Tam cavablandırıldı.
Marked as spam
Namiq Quliyev tərəfindən göndərilmişdir
17 Aprel 2018 00:10 dəqiqədə yazılıb.
296 baxış
0
Məxfi cavab

Salam, Namiq bəy.

Ailə Məcəlləsinin aşağıdakı maddələri ilə diqqətlə tanış olun:

Maddə 107. Aliment üzrə borcları ödəməkdən azad edilmə
107.1. Aliment onun ödənilməsi barədə saziş əsasında tutulduqda aliment üzrə borcları ödəməkdən azad edilmə və ya onun miqdarının azaldılması tərəflərin razılığı ilə həyata keçirilə bilər.
107.2. Məhkəmə aliment ödəməli şəxsin iddiası üzrə aliment borcunun şəxsin xəstəliyi və digər üzürlü səbəblərə görə əmələ gəldiyini, ailə və maddi vəziyyətinin bu borcları ödəməyə imkan vermədiyini müəyyən edərsə, onu həmin borcları ödəməkdən tamamilə və ya qismən azad edə bilər.

Maddə 112. Məhkəmənin müəyyən etdiyi alimentin miqdarının dəyişdirilməsi və aliment ödəməkdən azadetmə
112.1. Aliment ödənilməsi barədə saziş olmadıqda məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olmuşsa, məhkəmə tərəflərdən istənilən birinin tələbi ilə alimentin müəyyən olunmuş miqdarını dəyişə bilər və ya aliment ödəməli olan şəxsi tərəflərin diqqətəlayiq başqa maraqlarını da nəzərə almaqla aliment ödəməkdən azad edə bilər.
112.2. Yetkinlik yaşına çatan və fəaliyyət qabiliyyəti olmayan şəxsin aliment ödəməli olan şəxsə qarşı qəsdən cinayət törətdiyi və ya ailədə nalayiq davrandığı müəyyən edilərsə, məhkəmə həmin şəxs üçün aliment tutulması barədə tələbi rədd edə bilər.

Maddə 113. Aliment öhdəliklərinə xitam verilməsi
113.1. Aliment ödənilməsi barədə saziş əsasında müəyyən olunmuş aliment öhdəliklərinə tərəflərdən birinin ölümü nəticəsində, sazişin müddəti bitdikdə və ya sazişdə nəzərdə tutulmuş əsaslar üzrə xitam verilir.
113.2. Məhkəmə qaydasında tutulan alimentin ödənilməsinə aşağıdakı hallarda xitam verilir:
113.2.1. uşaq yetkinlik yaşına çatdıqda və ya yetkinlik yaşına çatmamış tam fəaliyyət qabiliyyəti əldə etdikdə;
113.2.2. aliment ödənilən uşaq övladlığa götürüldükdə;
113.2.3. aliment alan şəxsin maddi yardıma ehtiyacının ödənildiyi və ya əmək qabiliyyətinin bərpa olunduğu məhkəmə tərəfindən müəyyən olunduqda;
113.2.4. aliment alan şəxs və ya aliment ödəyən şəxs öldükdə;
113.2.5. əmək qabiliyyəti olmayan və ya ehtiyacı olan aliment alan ər və ya arvad yeni nikaha daxil olduqda.

Namiq bəy, bu maddələrə və xəstəliyinizə, əlilliyinizə, indiki ailə vəziyyətinizə və sair hallara istinad etməklə aliment borclarının silinməsinə və ya azaldılmasına nail ola bilərsiniz.
Ancaq istənilən halda bir şeyi unutmamalısınız: uşaq sizindir və hər gün yemək istəyir, geymək istəyir, müalicəyə və təhsilə ehtiyacı var.
Məsləhətim: siz özünüz həmin evin otaqlarından birində yaşamaqla qarşı tərəfə mesaj verməlisiniz ki, o bu evdə istədiyi kimi yaşaya bilməyəcək. Bax, onda alimenti evə dəyişmək təklifini qəbul edəcək. Bununçün bir qədər səbr və əziyyətə qatlaşma lazımdır.
Yaxşı olar ki, etibar etdiyiniz bir vkilin xidmətindən istifadə edəsiniz.
Uğurlar.
Hörmətlə.

Marked as spam
Redaktor tərəfindən göndərilmişdir
17 Aprel 2018 15:41 radələrində cavablandırılıb