ikili vetendashliq

« Əvvəlki səhifəyə geri dön
0
0

Qurban bey, axsaminiz xeyir olsun.

Sizin elaqe sehifenizi mene Almaniyada yashayan bir hemvenlimiz tovsiyye etdi ve Sizin cox savadli ve bacariqli huquqshunas olqunuzu vurquladi.

Men Size yalniz bir sualla muraciet ede bileremmi?

Sohbet Azerbaycan vetendashliqini hansi yolla saxlamaqindan gedir.

Yani ikili vetendashliq olan zaman.

Mesele burasindadir ki, heyat yoldashim Niderland Kralliqinin pasportunu alib oten il ve indi onlarin resmileri bizim vetendashliqa xitam vermesini teleb edir. Eks halda yeni pasport leqv oluna biler.

Biz nece edek ki, Azerbaycan vetendashliqini saxlayaq?

Sualimi cavablandirsaz Size cox minnetdar olaram.

Tesekkurler.

Tam cavablandırıldı.
Marked as spam
Sevinc Aliyeva tərəfindən göndərilmişdir
24 Mart 2017 00:13 dəqiqədə yazılıb.
429 baxış
0
Məxfi cavab
Salam Sevinc xanım, hər iki dövlət ikili vətəndaşlığı qəbul etmir. Azərbaycan Respublikasının Konstitusiyasına edilmiş son dəyişikliklə qərar qəbul edildi ki, xarici ölkə vətəndaşlığını qəbul edən hər bir kəs 1 ay müddətində bu barədə Azərbaycana məlumat verməlidir, əks-təqdirdə məsuliyyət daşıyır. Başqa ölkə vətəndaşlığını qəbul etmək isə, Azərbaycan Respublikasının vətəndaşlığının itirilməsi üçün əsasdır. İkisindən birini seçmək zorundasınız. Aşağıdakı maddələrə diqqət etməniz məsləhətdir:

                                  "Azərbaycan Respublikasının vətəndaşlığı haqqında"

 AZƏRBAYCAN RESPUBLİKASININ QANUNU

Maddə 10 Azərbaycan Respublikası vətəndaşının xarici dövlətin vətəndaşlığına mənsubiyyətinin tanınmaması

 

Azərbaycan Respublikasının vətəndaşı olan şəxsin ikili vətəndaşlığı olduqda (Azərbaycan Respublikası vətəndaşlığı ilə yanaşı, digər dövlətin (dövlətlərin) vətəndaşı olduqda) həmin şəxsin xarici dövlətin vətəndaşlığına mənsubiyyəti, Azərbaycan Respublikasının beynəlxalq müqavilələrində nəzərdə tutulmuş və ya Azərbaycan Respublikası Konstitusiyasının 109-cu maddəsinin 32-ci bəndinə müvafiq surətdə həll edilmiş hallar istisna olmaqla tanınmır.

Xarici dövlətin vətəndaşlığını qəbul etmiş Azərbaycan Respublikasının vətəndaşı bir ay müddətində bu barədə müvafiq icra hakimiyyəti orqanına yazılı məlumat verməlidir. Belə məlumatı verməyən şəxslər Azərbaycan Respublikasının Cinayət Məcəlləsi ilə nəzərdə tutulmuş qaydada məsuliyyət daşıyırlar.

 

Üçüncü fəsil

 

AZƏRBAYCAN RESPUBLİKASININ VƏTƏNDAŞLIĞINA XİTAM VERİLMƏSİ

 

Maddə 16. Azərbaycan Respublikasının vətəndaşlığına xitam verilməsi üçün əsaslar

 

Azərbaycan Respublikasının vətəndaşlığına aşağıdakı hallarda xitam verilir:

1) Azərbaycan Respublikasının vətəndaşlığından çıxmaq nəticəsində;

2) Azərbaycan Respublikasının vətəndaşlığını itirmək nəticəsində;

3) Azərbaycan Respublikasının beynəlxalq müqavilələrində nəzərdə tutulmuş əsaslar olduqda;

4) bu qanunda nəzərdə tutulmuş digər əsaslar olduqda.

Maddə 17. Azərbaycan Respublikasının vətəndaşlığından çıxma

 

Azərbaycan Respublikasının vətəndaşlığından çıxma bu qanunla müəyyənləşdirilmiş qaydada şəxsin vəsatəti üzrə həyata keçirilir.

Azərbaycan Respublikasının vətəndaşlığından çıxmaq barəsində vəsatət qaldıran şəxsin dövlət qarşısında icra edilməmiş öhdəlikləri və ya Azərbaycan Respublikasında hüquqi və fiziki şəxslərin mənafeləri ilə bağlı olan əmlak öhdəlikləri varsa, vətəndaşlıqdan çıxmaq haqqında vəsatəti rədd edilə bilər.

Azərbaycan Respublikasının vətəndaşlığından çıxmaq barəsində vəsatət qaldıran şəxs cinayət işi üzrə təqsirləndirilən şəxs qismində cəlb edilmişsə, yaxud onun barəsində qanuni qüvvəyə minmiş və icra edilməli olan məhkəmə hökmü varsa və ya şəxsin Azərbaycan Respublikası vətəndaşlığından çıxması Azərbaycan Respublikasının dövlət təhlükəsizliyi mənafelərinə ziddirsə, həmin hallar aradan qalxana qədər vətəndaşlıqdan çıxmağa yol verilmir.

Azərbaycan Respublikasının vətəndaşlığından çıxmaq barəsində vəsatət qaldıran şəxs Azərbaycan Respublikasının qanunvericiliyində nəzərdə tutulmuş qaydada və məbləğdə dövlət rüsumu ödəyir.

Azərbaycan Respublikası vətəndaşlığından çıxma haqqında qərar Azərbaycan Respublikası Konstitusiyasının 109-cu maddəsinin 20-ci bəndinə müvafiq surətdə qəbul olunur.

 

Maddə 18. Azərbaycan Respublikası vətəndaşlığının itirilməsi

 

“Vətəndaşsızlığın ixtisar edilməsi haqqında” 1961-ci il 30 avqust tarixli Konvensiyanın müddəaları nəzərə alınmaqla, aşağıdakılar Azərbaycan Respublikası vətəndaşlığının itirilməsi üçün əsas hesab edilir:

1) Azərbaycan Respublikası vətəndaşının digər dövlətin vətəndaşlığını könüllü əldə etməsi;

2) Azərbaycan Respublikası vətəndaşının xarici dövlətin dövlət və ya bələdiyyə orqanlarında, yaxud silahlı qüvvələrində və ya digər silahlı birləşmələrində könüllü xidmət etməsi;

3) Azərbaycan Respublikası vətəndaşının dövlətin təhlükəsizliyinə ciddi zərər vuran davranışı;

3-1) Azərbaycan Respublikası vətəndaşının terror fəaliyyətində iştirakı və ya Azərbaycan Respublikasının konstitusiya quruluşunun zorla dəyişdirilməsinə yönələn hərəkətləri həyata keçirməsi; 

3-2) Azərbaycan Respublikası vətəndaşının dini ekstremist fəaliyyətdə iştirakı, o cümlədən dini düşmənçilik zəminində dini məzhəblərin yayılması və ya dini ayinlərin icrası adı altında xarici dövlətdə silahlı münaqişədə iştirak etməsi və ya həmin münaqişəyə digər şəxsi cəlb etməsi, yaxud bu məqsədlə sabit qrup yaratması, habelə Azərbaycan Respublikası vətəndaşının dini təhsil adı altında xarici dövlətdə hərbi təlim keçməsi;

4) Azərbaycan Respublikasının vətəndaşlığını əldə etmiş şəxsin vətəndaşlığa qəbul olunmaq üçün zəruri olan məlumatı qəsdən saxtalaşdırması və ya saxta sənəd təqdim etməsi.

 

Azərbaycan Respublikası vətəndaşlığının itirilməsi məsələsi bu Qanunun 17-ci maddəsinin ikinci və üçüncü hissələrində göstərilən məhdudiyyətlər nəzərə alınmaqla məhkəmə tərəfindən həll edilir."

Sizə uğurlar. Hörmətlə.

Marked as spam
Goshgar Mammadov tərəfindən göndərilmişdir
25 Mart 2017 05:26 radələrində cavablandırılıb