Kapital Bank

« Əvvəlki səhifəyə geri dön
0
0

Salam Hörmətli Q.Məmmədov ilk öncədən bütün suallarımıza cavab verib və köməklik göstərdiyiniz üçün təşəkkür edirəm.

Kapital Bank mənim əmək haqımın 108 manatını tutur mən banka yazılı surətdə xahişnamə göndərdim və bank mənə ümumiyyətlə cavab vermədi. Mən banka dəfələrlə müraciət etsəm də bank mənə rəsmi cavab yazmadı və mənim əmək haqqım 198 manatdır. Bunun 25%-ni UNİ Bank tutur, amma dollarla mən bu barədə də Məhkəməyə müraciət etsəm də məhkəmə bunu rədd etdi və mənim əmək haqqımın 50 manatını  UNİ Bank tutur, 108 manatını isə Kapital Bank tutur bu isə mənim əmək haqqımın 50 %-dən cox edir. Mən Kapital Bankı Hansı qaydada Məhkəməyə verə bilərəm. Bu barədə iddia ərizə formasının yazılmasına kömək etməyinizi xahiş edirəm

Marked as spam
Cavid tərəfindən göndərilmişdir
14 Mart 2016 11:38 dəqiqədə yazılıb.
325 baxış
0
Məxfi cavab

Salam,Cavid bəy!

1. “İcra haqqında” Qaununun 65-ci maddəsinə əsaəsn(Borclunun əmək haqqından və digər gəlirlərindən tutulan məbləğin miqdarı),

 

65.1. İcra sənədi icra edilərkən borclunun əmək haqqından və ona bərabər sayılan digər gəlirlərindən tutmaların məbləği 50 faizdən çox ola bilməz.

65.2. Tələb, bir neçə icra sənədi üzrə borclunun əmək haqqına və ona bərabər sayılan digər gəlirlərinə yönəldildikdə, qazancın 50 faizi borcluda qalmalıdır.

65.3. Alimentlərin tutulması, sağlamlığa vurulmuş ziyanın ödənilməsi, ailəni dolandıranın itkisi nəticəsində zərər çəkmiş şəxslərə vurulmuş ziyanın ödənilməsi və cinayət nəticəsində vurulmuş ziyanın ödənilməsi zamanı bu Qanunun 65.1-ci və 65.2-ci maddələri ilə müəyyən edilmiş məhdudiyyətlər tətbiq edilmir.

Belə hallarda əmək haqqından və ona bərabər sayılan digər gəlirlərdən tutmaların məbləği 70 faizdən çox ola bilməz.

65.4. Tələbin borclunun təqaüdünə, pensiyasına, müəlliflik və əlaqəli hüquqlardan istifadəyə görə müəlliflik mükafatlarına yönəldildiyi hallarda da bu Qanunun 65-ci maddəsi ilə müəyyən edilmiş qaydalar tətbiq edilir.

 

2. “Kapital Bank” məhkəmə qərarı olmadan  əmək haqqınızdan tuta bilməz. Görünür, Siz əmək haqqınızı “KB” vasitəsilə alırsınız ona görə də, bank bundan sui-istifadə edir. Siz əmək haqqı hesabınızı başqa banka köçürün.

 

3. Neçə bank olur-olsun,  hamısı bir yerdə əmək haqqınızın 50 faizindən artıq tuta bilməzlər.

 

4. Bankın qanunsuz hərəkətlərinə son qoyulması barədə məhkəmədə iddia qaldıra bilərsiniz. 

 

5. Mən burada yalnız məsləhət verirəm. iddia sənədlərinin tərtib edilməsinə vaxtım olmur. Bununçün siz etibar etdiyiniz bir hüquqşünasın köməyindən istifadə edin.

 

hörmətlə.

 

Marked as spam
Redaktor tərəfindən göndərilmişdir
15 Mart 2016 22:01 radələrində cavablandırılıb
« Əvvəlki səhifəyə geri dön