Kredit adıma götürülüb, götürən şəxs indi ödəmə etmir!

« Əvvəlki səhifəyə geri dön
0
0

Elsəvər Ağayev soruşdu:

2013 ilde uzag qohumuma zamin durmusam, 8000 kridet goturdu, bu şəxs 2015 ilin yarisina kimi kridetini ödədi, 4000 borcu qaldı və daha odemedi!

Bir gun emek haqqimi almaga getdim mene dediler ki, emek haqqinin 50% tutulub!

Sebeb nedir? – zaminsen.

Mene hec bir melumat verilmeden, bu duzdurmu?
230 man emek haqqi aliram, uzur isteyirem, 4 usagim var.
Ailenin butun agirligi menim ustumdedir.
Hara gedirem xeyri yoxdur!
Hemin insana xais edirem, get sen ode, o da odemir, telefonda meni təhqir edir.

Her şeyi var, ferma tikib hemin pulla.

Xahiş edirəm, mənə məsləhətinizlə kömək edin!

Marked as spam
Goshgar Mammadov tərəfindən göndərilmişdir
16 Yanvar 2016 18:22 dəqiqədə yazılıb.
702 baxış
0
Məxfi cavab

Salam, qətiyyən narahat olmayın!

ALLAH(c.c) RƏHMAN və RƏHİMLİDİR, Sizi darda qoymaz.

Hər problemin bir hüquqi həll yolu vardır. Sadəcə o yolu bilmək, tapmaq lazımdır. bununçün də biz burdayıq–Sizin yanınızda.

1. Bu Sizə bir dərs olar, bir daha əsassız risk etməz, güvənsiz insanlara zamin durmazsınız.

2. Əmək Məcəlləsinin 176-cı maddəsinə (əmək haqqından tutulan məbləğlərin miqdarının məhdudlaşdırılması) əsasən,

 1. Hər dəfə əmək haqqı verilərkən tutulan bütün məbləğlərin ümumi miqdarı işçiyə verilməli olan əmək haqqının iyirmi faizindən və müvafiq qanunvericilikdə nəzərdə tutulmuş hallarda isə əlli faizindən artıq ola bilməz.

2. Əmək haqqından bir neçə icra sənədinə əsasən məbləğlər tutularkən, bütün hallarda işçinin əmək haqqının əlli faizi saxlanmalıdır.

3. Bu maddənin birinci və ikinci hissələri ilə müəyyən edilmiş məhdudiyyətlər islah işləri çəkərkən habelə alimentlərin tutulması, sağlamlığa vurulmuş ziyanın ödənilməsi, ailəni dolandıranın itkisi nəticəsində zərər çəkmiş şəxslərə vurulmuş ziyanın ödənilməsi və cinayət nəticəsində vurulmuş ziyanın ödənilməsi zamanı işçiyə verilən əmək haqqından məbləğlərin tutulmasına şamil edilmir.

“İcra Haqqında” Qanunun 65-ci maddəsinə (borclunun əmək haqqından və digər gəlirlərindən tutulan məbləğin miqdarı) əsasən,  

65.1. İcra sənədi icra edilərkən borclunun əmək haqqından və ona bərabər sayılan digər gəlirlərindən tutmaların məbləği 50 faizdən çox ola bilməz.

65.2. Tələb, bir neçə icra sənədi üzrə borclunun əmək haqqına və ona bərabər sayılan digər gəlirlərinə yönəldildikdə, qazancın 50 faizi borcluda qalmalıdır.

65.3. Alimentlərin tutulması, sağlamlığa vurulmuş ziyanın ödənilməsi, ailəni dolandıranın itkisi nəticəsində zərər çəkmiş şəxslərə vurulmuş ziyanın ödənilməsi və cinayət nəticəsində vurulmuş ziyanın ödənilməsi zamanı bu Qanunun 65.1-ci və 65.2-ci maddələri ilə müəyyən edilmiş məhdudiyyətlər tətbiq edilmir.

Belə hallarda əmək haqqından və ona bərabər sayılan digər gəlirlərdən tutmaların məbləği 70 faizdən çox ola bilməz.

65.4. Tələbin borclunun təqaüdünə, pensiyasına, müəlliflik və əlaqəli hüquqlardan istifadəyə görə müəlliflik mükafatlarına yönəldildiyi hallarda da bu Qanunun 65-ci maddəsi ilə müəyyən edilmiş qaydalar tətbiq edilir.

 

3.  Siz mütləq iş yerinizin mühasibatlığından tutma üçün əsas olan sənədin, qərarın surətini tələb edib alın. Həmin sənədlə tanış olun və əsas tapsanız, həmin sənədi məhkəmədə mübahisələndirin.

4. Zamin duranda Siz bilirdiniz və ya bilmək borcunuz idi ki, borclu öz öhdəliyini yerinə yetirməsə, borc Sizdən tələb ediləcək və bu Sizin vəzifənizdir.

Mülki Məcəllənin 472-ci maddəsinə  (zaminin məsuliyyəti) əsasən,  

472.1. Borclu zaminliklə təmin edilmiş öhdəliyi icra etmədikdə və ya lazımınca icra etmədikdə, əgər bu Məcəllədə və ya zaminlik müqaviləsində zaminin subsidiar məsuliyyəti nəzərdə tutulmayıbsa, zamin və borclu kreditor qarşısında birgə məsuliyyət daşıyırlar.

472.2. Əgər zaminlik müqaviləsində ayrı qayda nəzərdə tutulmayıbsa, faizlərin, borc tutulması üzrə məhkəmə xərclərinin və borclunun öhdəliyi icra etməməsi və ya lazımınca icra etməməsi nəticəsində kreditora dəyən digər zərərin əvəzinin ödənilməsi də daxil olmaqla, zamin kreditor qarşısında borclu ilə eyni həcmdə məsuliyyət daşıyır.

472.3. Birgə zamin olmuş şəxslər, əgər zaminlik müqaviləsində ayrı qayda nəzərdə tutulmayıbsa, kreditor qarşısında birgə məsuliyyət daşıyırlar.

 

5. Çıxış yolunuz var. Narahat olmayın. Mülki Məcəllənin aşağıdakı maddələrini diqqətlə oxuyun və borcluya qarşı iddia qaldıraraq,  adında oaln bütün əmlakların üzərinə məhkəmə vasitəsi ilə, iddianı təmin tədbiri kimi (MPM-nin 157-158-ci maddələri),  həbs qoydurun.

Maddə 473. Zaminin xidmətləri üçün muzd Əgər müqavilədə ayrı qayda nəzərdə tutulmayıbsa, zaminin borcluya göstərdiyi xidmətlər üçün muzd almaq hüququ vardır. Maddə 474. Kreditorun tələblərinə qarşı zaminin etiraz hüququ 474.1. Əgər zaminlik müqaviləsindən ayrı qayda irəli gəlmirsə, zamin kreditorun tələbinə qarşı borclunun irəli sürə biləcəyi etirazları irəli sürə bilər. Zamin bu cür etirazlar irəli sürmək hüququnu hətta borclunun onlardan imtina etdiyi və ya öz borcunu etiraf etdiyi halda da itirmir. 474.2. Zamin kreditorun tələbini ödəyənədək bu barədə borclunu xəbərdar etməyə, zaminə qarşı iddia irəli sürüldükdə isə borclunu işdə iştiraka cəlb etməyə borcludur. 474.3. Zamin bu Məcəllənin 474.2-ci maddəsində göstərilən vəzifələri yerinə yetirmədikdə borclu zaminin reqres tələbinə qarşı kreditora qarşı olan etirazlarını irəli sürə bilər. Maddə 475. Öhdəliyi icra etmiş zaminin hüquqları 475.1. Öhdəliyi icra etmiş zaminə kreditorun həmin öhdəlik üzrə hüquqları və kreditora girov saxlayan kimi mənsub olmuş hüquqlar zaminin kreditorun tələbini ödədiyi həcmdə keçir. Zamin həmçinin borcludan kreditora ödənilmiş məbləğdən faizlər ödəməyi və borclunun əvəzinə məsuliyyətlə bağlı çəkdiyi digər zərərin əvəzini ödəməyi tələb edə bilər. 475.2. Zamin öhdəliyi icra etdikdən sonra kreditor borcluya qarşı tələbi təsdiqləyən sənədləri zaminə təqdim etməyə və həmin tələbi təmin edən hüquqları verməyə borcludur. 475.3. Bu maddədə müəyyənləşdirilmiş qaydalar bu Məcəllədə və ya zaminin borclu ilə müqaviləsində ayrı qayda nəzərdə tutulmadıqda və onlar arasında münasibətlərdən ayrı qayda irəli gəlmədikdə tətbiq edilir.

 

6. Çətinliyiniz olsa, etibar etdiyiniz bir hüquqşünasın köməyindən istifadə edin. 

 

Sizə uğurlar arzulayıram. Haqq Sizin tərəfinizdədir, ALLAH(c.c)ın da köməyilə qalib gələcəksiniz. İndidən təbrik edirəm. Hörmətlə.

 

Marked as spam
Redaktor tərəfindən göndərilmişdir
17 Yanvar 2016 20:42 radələrində cavablandırılıb
« Əvvəlki səhifəyə geri dön