“Kapital Bank” – Kredit borcunu ödəyə bilmirəm!

« Əvvəlki səhifəyə geri dön
0
0

Salam,

Mən “Kapital Bank”dan 4000 AZN kredit götürmüşəm. Digər bankdan dollarla götürdüyüm krediti, məlum devalvasiyadan sonra ödəməkdə çətinlik çəkirəm. “Kapital Bank”a ayda 178 AZN krediti də ödəyə bilmirəm. Bunun əsas səbəbi xroniki təzyiq xəstəliyim, gəlirimin kəskin azalması və sairdir.

Mən həm də, əmək pensiyaçısıyam, müəlliməm, aylıq maaşım cəmi 74 AZN-dır. Xahiş edirəm, deyə bilərsinizmi, mən “Kapital Bank”a olan kredit borcumu ödəməyib, məhkəmə qaydası ilə məsələni həll etmək istəsəm, məhkəmə və icra polisi mənim kredit borcumu maaşımdan (78 manat) əlavə pensiyama (186 manat) yönəldə bilərmi?

Əvvəlcədən cavaba görə minnətdarlığımı bildirirəm.

Marked as spam
KAMRAN tərəfindən göndərilmişdir
10 Yanvar 2016 20:36 dəqiqədə yazılıb.
7276 baxış
0
Məxfi cavab

Hörmətli, Kamran müəllim!

1. Borclunun sağlamlıq və maddi problemləri borc münasibətlərində, öhdəliyin icra edilməsində heç bir hüquqi rol oynamır.

2. Siz manatla götürdüyünüz kredit üzrə də Mülki Məcəllənin 421-423-cü maddələrinə əsasən, “şəraitin əhəmiyyətli dərəcədə dəyişməsi ilə əlaqədar müqavilənin dəyişdirilməsi və ləğv edilməsi barədə öncə, banka, nəticədən asılı olaraq da məhkəməyə müraciət edə bilərsiniz. Məsələn, devalvasiyanın biznes mühitini korladığı üçün, faizlərin 3-4 faizə endirilməsini, ödəmə qrafikini uzatmağı banka təklif edə, məhkəmədə iddia qaldıra bilərsiniz.

3. Dollarla götürdüyünüz kreditlə bağlı Tural Əliyevə verilən cavaba baxın.

4. Girovunuz varsa, ödəmə girova yönəldiləcək, yoxdursa, əmək haqqınızın 50 faizinədək tutula bilər.

Marked as spam
Redaktor tərəfindən göndərilmişdir
11 Yanvar 2016 01:26 radələrində cavablandırılıb
« Əvvəlki səhifəyə geri dön