Məcburi köçkün: evimi buldozerlə sökdülər!

« Əvvəlki səhifəyə geri dön
0
0

Salam, Qurban müəllim!..

Bu məktubu, Sizi dürüst ve savadli bir insan kimi tanıdığim ücün Sizə ünvanladım.

Qurban müəllim, sizdən cox xahiş edirəm mənə məsləhət verəsiniz..

Ölkəmizin bərbad gündə olan məhkəmələri verdiyi qərarlarla bütün həyatımı alt-üst etdilər! Biz əslən Zəngilan rayonundaniq, məcburi köckunuk. 1993-cü ildən Xırdalanda bir idarədə məskunlaşmışdiq. 1997-ci ildə konstitusiya məhkəməsində işləyən bir məmur, idarəni öz qohumunun adina özəlləşdirdi. 2009-cu ildə bizlə bərabər orda yaşayan 3-4 ailəni məhkəməyə verib oradan cıxmağımızı tələb etdilər.

Şikayətci tərəf ərizəsində bizim guya orada 1998-ci ildən məskunlaşdiğımızı bildirmişdi. Qaçqınların işi üzrə Dövlət Komitəsindən arayış təqdim etsək də, məhkəmə bizim cıxarilmağımız haqda qərar verdi.

Ali Məhkəməyə qədər məhkəmə cəkişməsi getdi amma hüquqlarımızı qoruya bilmədik. Prezident Administrasiyasindan belə bir cox yerlərə şikayət etdik, butun orqanlarda bizi arxayin etdilər ki, məhkəmə qərar versə də, sizi yaşadığıniz yerdən hec kim cıxarda bilməz.

Amma bunlar boş vədlər imiş. Məhkəmə icraçiları acıq-aşkar mənə dedilər ki, bu iş yuxaridan tapşırılıb, evi boşaltmalısınız! – Prezidentin məcburi köçkünlər haqda fərmani olmasına baxmayaraq, bizi başqa yaşayış yeri ilə təmin etmədən, 2010-cu il iyun ayında məhkəmə icracıları tərəfindən məcburi cixarildiq. Evimizi buldozerlə uçurdular, bütün əmlakımı dağitdilar. Mənə də, hədə-qorxu gəldilır ki, yenə ora-bura şikayət etsən səni şərləyib tutduracağıq.

Bu haqsızlıqdan sonra bunların hər pislik bacardıqlarıni və şikayət etməyin də, boş şey olduğun anladım. İki körpə uşağımın ortaliqda başsiz qalmağından ehtiyat etdim.

Men xırda ticarətlə məşğulam. O gün kecirtdiyim stresdən əsəblərim pozuldu, bir müddət işləyə də bilmədim və ziyana düşdüm.

Bu hadisədən 4 il keçməsinə baxmayaraq, mən, nə onları, nə də ozümü bağışlaya bilirəm.

Hüquqi tərəfdən də, nə edəcəyimi bilmirəm! Yenidən məhkəmə yolu ilə öz hüququmu bərpa edə bilərəmmi?

Xahiş edirəm məsləhət versəniz..

Hörmətlə,

Bayram Bayramov

Marked as spam
admin tərəfindən göndərilmişdir
12 Yanvar 2016 00:38 dəqiqədə yazılıb.
5036 baxış
0
Məxfi cavab

Hörmətli Bayram bəy! Səhv etmirəmsə, bu barədə bizim əvvəllər də bir yazışmamız olubdur.
Bir daha təkrar edirəm, qaçqın problemini dövlət həll etməlidir, yəni Sizin evlə, mənzillə, sığınacaqla təmin edilməyiniz “Qaçqınkom”un vəzifəsidir. Əbəs yerə qanınızı qaraltmayın, əsəblərinizi korlamayın. Mən Sizi çox yaxşı başa düşürəm, duyuram.
Təəssüf ki, qanun Sizin təərfinizdə deyil.
Avropa Məhkəməsinin “Akimova Azərbaycana qarşı” işdə də məhkəmənin mövqeyi belədir.
Sadəcə olaraq, bu məsələdə ölkəmizdə vahid yanaşma yoxdur. Yüzlərlə anoloji işdə qaçqınlar qanunsuz zəbt etdiyi mənzillərdən çıxarılmayıblar. Hətta, Abşeron Məhkəməsinin qüvvəyə minmiş qətnaməsi ola-ola 8 ildir ki, Ədliyyə Nazirliyinin Məhkəmə Qərarlarının Baş İcra İdarəsi qaçqını mənzildən çmıxarmır. Baxmayaraq ki, sizdən fərqli olaraq, həmin şəxsləri oraya dövlət orqanları yerləşdirməyiblər, özləri saxta sənədlərdən istifadə etməklə ucuz qiymətə “alıblar”. Həm də bu 2003-cü ildə, 1995-ci ilin atəşkəsindən 8 il sonra olub.
Siz “Qaçqınkom”a müraciət edin. Onların vəzifəsi Sizi sığınacaqla təmin etməkdir.
Unutmayın, kimliyindən asılı olmayaraq, başqasının qanuni əmlakını, mülkiyyətini zəbt etmək bəyəniləsi hərəkət deyil.
Qaçqınlara, şəhid və qazi ailələrinə hörmət etmək, yardım etmək isə, bir millət olaraq hamımızın borcudur.
Bu isə, könül, qəlb, əxlaq, vətəndaşlıq, şərəf məsələsidir, hüquq yox.
Səbr və dözüm arzusu ilə.
Hörmətlə.

Marked as spam
Redaktor tərəfindən göndərilmişdir
12 Yanvar 2016 04:10 radələrində cavablandırılıb
« Əvvəlki səhifəyə geri dön