Mülkiyyət hüququ

« Əvvəlki səhifəyə geri dön
0
0

Salam aleyküm Qurban müellim. İşinizde uğurlar arzu edirik. Sizden bi mövzu ile bağlı bilgi almaq isterdim. Bize Aqrar İslahat Komissiyasının 30 iyun 1998-ci il tarixli qərarı ile Dövlət Aktı verilib. Həmin dövlət akı ilə birgə “Torpaq sahəsinin planı və ölçüsü” sənədlərində 47% torpaq sahəmiz əksikdir. Daha doğrusu əmim İsmayılov Tahir Abdulla oğlu olduğu halda həmin 47% sahə Cüməliyev Tahir Əzizxan oğlunun adına işlənib (xəritədə belə görünür). DƏDRX-ə müraciət edəndə dedilər iş məhkəməlikdir. Biz hansı məcəllə və ya maddəyə əsasən həmin məhkəmədə iddia qaldıra bilərik? Və ya tələb yerinə nə qoymalıyıq? Bir də həmin işə İqtisad yoxsa 1-ci instansiya məhkəməsi baxmalıdır? Həmin əksik sahə hansı yerdən verilməlidir? İndidən təşəkkür bildiririk.

Marked as spam
Emir Quliyev tərəfindən göndərilmişdir
03 Aprel 2017 12:08 dəqiqədə yazılıb.
143 baxış
0
Məxfi cavab

Salam, hörmətli Emir bəy.

1. Sualınızda başa düşə bilmədiyim bir nüans var. Dövlət aktında göstərilənlərlə “Torpaq sahəsinin planı və ölçüsü”ndəki ölçülər üst-üstə düşmür, yoxsa naturada sizə verilən torpaqla sənədlərdəki ölçülər? 

2. O vaxt qüvvədə olan qanunlara əsasən, islahat komissiyasının qərarı maraqlı şəxsə məlum olduğu gündən 20 gün müddətində şikayət verilməli idi. Niyə bu qədər gecikmisiniz? Dövlət aktını nə vaxt almısınız? Göstərdiyiniz ziddiyyətlər sizə nə vaxt məlum olub? Nə tədbirlər görmüsünüz vaxtında? Bu suallara aydınlıq gətirilməlidir.

3. Əgər sizin əlinizdəki sənədlərdə göstərilən sahənin koordinatları başqa adamın torpağı ilə üst-üstə düşürsə, siz əvvəl rayon İH nəzdində olan aqrar islahatlar komisiyasına müraciət edin. Çünki yerli islahat komissiyaları ləğv edildikdən sonra onların səlahiyyətləri və arxivləri rayon İH-nin nəzdində fəaliyyət göstərən “Rayon aqrar islahat komissiyaları”na verilib.

4. Komissiyanın cavabından narazı qaldığınız halda, ərazi üzrə İnzibati-İqtisadi Məhkəməyə müraciət etməlisiniz.

5. Belə işlər ixtisaslı hüquqi yardım tələb edir. Əvvəla, bu platforma sizin istəklərinizə tam cavab vermək üçün uyğun deyil. Mənim o qədər vaxtım və imkanım yoxdur ki, sizə iddia ərizəsinin predmeti və s. barədə uzun-uzadı yazam. İkincisi, məsləhət görürəm ki, tanıdığınız, etibar etdiyiniz və inandığınız bir hüquqşünasın köməyindən mütləq istifadə edin. Hüquqşünas yardımına çəkəcəyiniz xərc sizi daha böyük itkilərdən, xərclərdən qoruyar. Əmin olun!

Sizə uğurlar arzulayıram.

Hörmətlə.

Marked as spam
Qurban Məmmədov tərəfindən göndərilmişdir
04 Aprel 2017 01:33 radələrində cavablandırılıb
« Əvvəlki səhifəyə geri dön