Qızımın razılığı olmadan kürəkən evi sata….

« Əvvəlki səhifəyə geri dön
0
0

SALAM QURBAN MELLIM.MENIM QIZIM YOLDASININ ADINA OLAN MENZILE QEYDIYYATDADIR.IKI OVLADLARI VAR.KUREKEN QIZI INCIDIRKI BU EVI SATAQ BASQA EV ALAQ.QIZIMDA RAZILIQ VERMIR.INDI DOLAYISIYLA BIZE MELUMAT VERILIRKI BUNLAR QIZIMIN ICAZESI OLMADAN SATISA QOYURLAR.BILMEK ISTERDIKKI QIZIMIN ICAZESI OLMADAN EVI SATMAQ MUMKUNDURMU.?QIZIMIN  VE USAQLARIN  NIGAHI VE QEYDIYYATLARI VAR.

2CI SUALIM ISE USAQLARLA ELAQEDARDIR.KUREKENIM USAQLARI QIZIMIN VE USAQLARIN QEYDIYYATDA OLDUGU HEMEN EVDEN IKI USAGI ORADAN QEYDIYYATDAN CIXARIB OZ ANASININ ADINA OLAN EVE QEYDIYYATA SALMAQ ISTEYIR.QIZIM ISE RAZILIQ VERMIR.KUREKEN IDIIA EDIRKI MEN DE CIXIB ANAMIN EVINE QEYDIYYATA DUSUREM VE USAQLARDA SOZSUZ MENIM YANIMA DUSMELIDIR.XAHIS EDIREM BU SUALLARA AYDINLIQ GETIRESINIZ.EVVELCEDEN TESEKKUR EDIREM.

Marked as spam
Xahər Salehi tərəfindən göndərilmişdir
30 Mart 2017 16:05 dəqiqədə yazılıb.
411 baxış
0
Məxfi cavab

Salam, Xahər Salehi.

1. Belə problemlərin həllində nikaha girmə vaxtı önəmlidir. 2000-ci ilin 01 sentyabrınadək nikaha girən qadınların hüquqları sonrakılardan fərqlidir.

2. MM-nin 228-ci maddəsinə (aşayış binasının tərkib hissəsindən istifadə hüququ) əsasən, “228.1. Yaşayış binasının tərkib hissəsi mülkiyyətçisinin ailə üzvləri və digər şəxslər yaşayış binasından istifadə hüququna bu şərtlə malikdirlər ki, həmin hüquq daşınmaz əmlakın dövlət reyestrində qeydə alınsın.228.2. Yaşayış binasının tərkib hissəsindən istifadə hüququnun əmələ gəlməsi, həyata keçirilməsi şərtləri və xitamı mülkiyyətçi ilə bağlanan, notariat qaydasında təsdiqlənən yazılı razılaşma ilə müəyyənləşdirilir. Yaşayış binasının tərkib hissəsindən istifadə hüququna xitam verilməsi haqqında razılaşma olmadıqda bu hüquqa mülkiyyətçinin məhkəmə qaydasında tələbinə əsasən bazar qiyməti ilə müvafiq kompensasiya verməsi yolu ilə xitam verilə bilər. 228.3. Yaşayış binasının tərkib hissəsindən istifadə hüququ alğı-satqının, girovun və icarənin müstəqil predmeti ola bilməz. Yaşayış binasının tərkib hissəsindən istifadə hüququ olan şəxs, mülkiyyətçi də daxil olmaqla istənilən şəxsdən həmin yaşayış binasına olan hüququnun pozulmasını aradan qaldırmağı tələb edə bilər. 228.4. Yaşayış evinə və ya mənzilə mülkiyyət hüququnun keçməsi yaşayış binasının tərkib hissəsindən istifadə hüququna xitam verilməsi üçün əsas deyildir, amma yaşayış otağından istifadə hüququ olan şəxsin mülkiyyət hüququndan imtina barəsində həmin hüquq keçənədək notariat qaydasında təsdiqlənmiş öhdəlik verdiyi hal istisna təşkil edir. 228.5. Yaşayış binasının tərkib hissəsinin mülkiyyətçisinin onunla birgə yaşayan ailə üzvləri (əri, arvadı, valideynləri, uşaqları) yaşayış sahəsindən onunla bərabər istifadə etmək hüququna malikdirlər. Yaşayış binasının tərkib hissəsinin mülkiyyətçisinin ailə üzvləri öz yetkinlik yaşına çatmayan uşaqlarını həmin yaşayış binasına köçürmək ixtiyarına malikdirlər. Digər ailə üzvlərinin (ərin, arvadın) köçürülməsinə yalnız mülkiyyətçinin razılığı ilə yol verilir. Həmin şəxslərin yaşayış binasının tərkib hissəsindən istifadə hüququ mülkiyyətçi ilə ailə münasibətlərinə xitam verildiyi halda da saxlanılır. Yaşayış binasının tərkib hissəsindən mülkiyyətçinin ailə üzvlərinin istifadə etmək hüququ bu məcəllənin qüvvəyə mindiyi gündən yaranır”. Bu maddəni diqqətlə öyrənin.

3. Əvvəla, unutmayın: ailə hər şeydən önəmlidir. Evdən də, sair mülkdən və qeydiyyatdan da vacib ailənin qorunub saxlanılmasıdır. Qeydiyyata görə qızınızın ailəsinin dağılmasına, həyat yoldaşı ilə arasının soyumasına  imkan verməyin.

4. Uşaqlar valideynlərdən birinin qeydiyyatda olduğu mənzilə qeydiyyata alına bilərlər. Mülki Məcəllənin 27.2-ci maddəsinə əsasən, “on dörd yaşına çatmamış şəxslərin yaşayış yeri valideynlik hüquqlarını itirməmiş valideynlərinin yaşayış yeri sayılır, qəyyumluq altında olan şəxsin yaşayış yeri isə qəyyumun yaşayış yeri sayılır.”

5. Qızınızın razılığı olmadan həyat yoldaşı onu qeydiyyatdan çıxara bilməz.   Mübahisə olsa, bu problem yalnız məhkəmə vasitəsilə həll ediləcəkdir.

6. Qızınız 2000-ci ildən sonra ailə qurubsa, ərinin evində heç bir hüquq əldə etmir. Yalnız Mənzil Məcəlləsinin 30.4-cü maddəsinə əsasən, (Maddə 30. Mülkiyyətçiyə məxsus yaşayış sahəsində onunla birlikdə yaşayan şəxslərin hüquq və vəzifələri) “30.4. Əgər yaşayış sahəsinin mülkiyyətçisi ilə keçmiş ailə üzvü arasında başqa razılaşma yoxdursa, yaşayış sahəsinin mülkiyyətçisi ilə ailə münasibətlərinə xitam verildikdə, keçmiş ailə üzvünün həmin yaşayış sahəsindən istifadə hüququ saxlanmır. Yaşayış sahəsinin mülkiyyətçisinin keçmiş ailə üzvünün yaşayış sahəsini əldə etməyə və ya yaşayış sahəsindən istifadə hüquqlarını həyata keçirməyə əsasları olmadıqda, yaşayış sahəsinin mülkiyyətçisinin keçmiş ailə üzvünün maddi vəziyyəti və diqqətə layiq digər hallar özünü yaşayış sahəsi ilə təmin etməyə imkan vermədikdə, keçmiş ailə üzvünün göstərilən mülkiyyətçiyə məxsus olan yaşayış sahəsindən müəyyən müddətə istifadə hüququ məhkəmənin qərarı əsasında saxlanıla bilər.”

7. Narahat olmayın,  kürəkən qızınızın razılığı olmadan evi satsa (o bunu edə bilər), qızınızın və uşağın istifadə hüquqları əvvəlki kimi qalacaqdır. (Mülki Məcəllənin 228.4-cü madəsinə əsasən, “yaşayış evinə və ya mənzilə mülkiyyət hüququnun keçməsi yaşayış binasının tərkib hissəsindən istifadə hüququna xitam verilməsi üçün əsas deyildir, amma yaşayış otağından istifadə hüququ olan şəxsin mülkiyyət hüququndan imtina barəsində həmin hüquq keçənədək notariat qaydasında təsdiqlənmiş öhdəlik verdiyi hal istisna təşkil edir). Ağıllı alıcı isə bunu etməz. 

8. Çətinliyiniz olsa, inandığınız və etibar etdiyiniz bir hüquqşünasın köməyindən mütləq istifadə edin. Bu məsələlər ixtisaslı yanaşma tələb edir.

Sizə səbr və uğurlar arzulayıram.

Hörmətlə.

 

Marked as spam
Qurban Məmmədov tərəfindən göndərilmişdir
01 Aprel 2017 11:07 radələrində cavablandırılıb
« Əvvəlki səhifəyə geri dön