Ölmüş insanın krediti

« Əvvəlki səhifəyə geri dön
0
0

Salam Qurban müəllim! Deməli bizim qonşumuz 2014-cü ildə Parabankdan 35.000 (otuz beş min) ABŞ dolları kredit götürüb.Girov olaraq Bakı şəhərində 2 otaqlı mənzili qoyub.2015-ci ilin fevral ayında həmin şəxs özünü yandıraraq intihar edib.Onun tək bir oğlu var.Borcun ləngidiyini görən Parabank mərhuməni məhkəməyə verib Ağcabədi rayon Məhkəməsidə həmin şəxsin məhkəməyə gəlməməsinin səbəbini öyrənmədən bankın iddiasını təmi edib ölmüş adam haqqında Qətnamə qəbul edibki kredit ödənilsin.Kredit müqaviləsi bağlanarkən şəxsin həyat sığortası müqaviləsi bağlanmayıb.sualım budurki ölmüş bir şəxs barəsində Məhkəmə qətnaməsi qanunidirmi? Həmin şəxsin oğlu nə etməlidir?Tələb girova yönəlfdikdə bank o evi sata bilərmi?

Marked as spam
Elnur Mirzeyev tərəfindən göndərilmişdir
19 İyun 2017 20:14 dəqiqədə yazılıb.
202 baxış
0
Məxfi cavab

Salam, Elnur bəy.

1. Müqavilə tərəfinin ölməsi müqavilənin xitamına səbəb olur, lakin müqavilə üzrə qarşı tərəfin alacaqlarını avtomatik olaraq aradan qaldırmaz. Belə hallarda tələb ölənin-borclunun varislərinə yönəlir və miras əmlak varsa, tutma ona yönəldilir.

2. Vətəndaşın iştirakı-xəbəri olmadan çıxarılan qətnamədən apellyasiya şikayəti verilə bilər və həmin qətnamə mütləq ləğv ediləcəkdir. Ancaq bu maiyyətcə ciddi dəyişikliyə səbəb olmaz. Çünki borc istənilən halda ödənilməlidir.

3. Həyat sığortası məcburi deyil. Lakin müqavilə ilə bank belə bir öhdəlik götürübsə, bu barədə məhkəmədə iddia qaldırmaq olar.

4. Ölmüş adam haqqında məhkəmə qətnaməsi qanunsuzdur. Mütləq prosessual hüquq varisi ilə əvəz edilməli idi.

5. Oğul həmin qətnamədən apellyasiya şikayəti verə bilər.

6. Bəli, tələbin girova yönəldilməsi halında mənzil hərraca çıxarılır, alıcı olmazsa, banka təklif edilir.

7. Oğul MM-nin 295, 556, 557, 422, 448-ci maddələrinə istinadən, məhkəmədə müdafiə oluna bilər. Düzdür, indiki hakimiyyət vətəndaşların hüquqlarını yox, bankların maraqlarını müdafiə edir. Ancaq, hər halda, mübarizədə qələbə şansı var. Döyüşməyənin qələbə şansı heç yoxdur.

Sizə uğurlar və səbr arzulayıram.

Hörmətlə. 

Marked as spam
Qurban Məmmədov tərəfindən göndərilmişdir
22 İyun 2017 02:24 radələrində cavablandırılıb
« Əvvəlki səhifəyə geri dön