İşə düzəltmək üçün verilmiş pul və tərəflərin aqibəti haqqında

« Əvvəlki səhifəyə geri dön
0
0

Salam,

Qurban muellim, bir məsələ ilə bağlı sizin fikriniz öyrənmək istiyirəm.
Hər hansı vətəndaşın etibarında istifadə edərək, ondan pul alaraq işe düzəltməyə söz veriblər və axırda vətəndaşa aydın olur ki, o dolandırılıb.

  1. İndi bu vətəndaş qanun qarşısında məsuliyyət daşıyırımı?
  2. Ödənmiş pulu necə geri ala bilər ?

Hüquqi vəziyyəti izah edə bilərsinizmi?

Öncədən sizə çox təşəkkür edirəm!

Marked as spam
Ruslan tərəfindən göndərilmişdir
25 Yanvar 2016 17:49 dəqiqədə yazılıb.
272 baxış
0
Məxfi cavab

 

Cavab: Hörmətli Ruslan bəy!

1.      İşə düzəlməyə görə pul vermək, yəni rüşvət vermək özü bir cinayətdir və dinimiz tərəfindən bəyənilməyən hərəkətdir. Mən başa düşürəm ki, ölkəmizdə elə vəziyyət yaradılıb ki, insanlar buna məcbur edilirlər. Ancaq, nə olursa olsun, belə hərəkətlərdən çəkinmək lazımdır. Biz əsl vətəndaşlıq mövqeyi göstərsək, nə dövlətimiz bu hala düşər, nə də dolandırıcılar bizi aldadar.

2.      Bəli, o vətəndaş Cinayət Məcəlləsinin 178-ci maddəsində nəzərdə tutulan dələduzluq əməlinə görə məsuliyyət daşıyır. Siz polis orqanlarına müraciət edin.

3.      Cinayət işinin gedişində mülki iddia qaldırmağınız lazımdır. Bu iddianı məhkəmə, cinayət işinə mahiyyəti üzrə baxmağa başlayana qədər də qaldırmalısınız ki, hökmlə birlikdə mülki iddia barədə də qərar qəbul olunsun.

4.      Məsləhət edirəm ki, çalışın, öncə, dostcasına bu problem həll edin. Cinayət işi ən sonuncu addımdır.

5.      Mülki qaydada da iddia qaldıra bilərsiniz. Borc, zərərvurma, pulu özündə saxlamaqla əsassız varlanmaya görə və s.

6.      Adamın ödəmək imkanı yoxdursa, o puldan əlinizi üzün. Ona görə atalar deyib ki, “malını möhkəm saxla, qonşunu oğru tutma”.

7.      Çətinliyiniz olsa, etibar etdiyiniz bir hüquqşünasdan yardım alın.

 

 

Uğurlar. Hörmətlə. 

Marked as spam
Redaktor tərəfindən göndərilmişdir
25 Yanvar 2016 21:11 radələrində cavablandırılıb
« Əvvəlki səhifəyə geri dön