Qeydiyyatdan çıxarmaq

« Əvvəlki səhifəyə geri dön
0
0

Salam. Bizim ev atamın adınadır.Atam qardaşımı qeydiyyatdan çıxarmaq evi mənim adıma keçirmək istəyir.Nə etmək lazımdır?

Marked as spam
Rövşən Nəzərli tərəfindən göndərilmişdir
25 Noyabr 2017 23:43 dəqiqədə yazılıb.
158 baxış
0
Məxfi cavab

Salam, Rövşən bəy.

1. Evin sizin adınıza keçirilməsi ilə qardaşınızın qeydiyyatdan çıxarılması ayrı-ayrı proseslərdir.

2. Qardaşınızı qeydiyyatdan çıxarmaq üçün, öncə, MM-nin 228.2-ci maddəsinə ( Yaşayış binasının tərkib hissəsindən istifadə hüququnun əmələ gəlməsi, həyata keçirilməsi şərtləri və xitamı mülkiyyətçi ilə bağlanan, notariat qaydasında təsdiqlənən yazılı razılaşma ilə müəyyənləşdirilir. Yaşayış binasının tərkib hissəsindən istifadə hüququna xitam verilməsi haqqında razılaşma olmadıqda bu hüquqa mülkiyyətçinin məhkəmə qaydasında tələbinə əsasən bazar qiyməti ilə müvafiq kompensasiya verməsi yolu ilə xitam verilə bilər) əsasən, onun istifadə hüququna xitam verilməlidir. Bu, ya qarşılıqlı razılaşma, ya da məhkəmə qaydasında edilir. BU barədə olan məhkəmə qətnaməsini polis idarəsinə təqdim edib qardaşınızın qeydiyyatdan çıxarılmasını tələb edəcəksiniz.

3. Atanız evi Sizin adınıza, bağışlama müqaviləsi ilə,  qardaşınız orada qeydiyyatda ola-ola da keçirə bilər. Bununçün qardaşınızın razılığı tələb edilmir. Yalnız bu halda qardaşınızın istifadə hüququ saxlanılır və bu dəfə Siz istədiyiniz vaxt MM-nin yuxarıda qeyd etdiyim 228.2-ci maddəsində göstərilən qaydada onun istifadə hüququna xitam verdirməklə qeydiyyatdan çıxarda bilərsiniz.

P.S. Çətinliyiniz olsa, mütləq etibar etdiyiniz, inandığınız bir hüquqşünasın yardımından istifadə edin.

hörmətlə. 

Marked as spam
Qurban Məmmədov tərəfindən göndərilmişdir
28 Noyabr 2017 18:39 radələrində cavablandırılıb
« Əvvəlki səhifəyə geri dön