Sökülən evə dair imzalanmış müqavilənin dəyişdirilməsi və kirayə haqqı barədə.

« Əvvəlki səhifəyə geri dön
0
0

Salam Qurban bəy.Mənim həyat yoldaşıma atasından mənzil qalıb, Nərimanov rayonunda. “Çıxarış” yoldaşımın adınadır, ancaq evdə bacısı oglu yaşayır. Ev plana düşüb, bina tikmək istəyirlər.Bina tikiləndən sonra isə bizə 1 otaqlı mənzil veriləcək. Bu, müqavilədə göstərilib, ancaq müqavilədə verilməli olacaq 400 manat kirayə haqqını qeyd etməyiblər.Yoldaşım müqaviləni imzalayıb.Əgər bunlar bizimlə razılaşmasalar, 400 manatdan imtina etsələr, müqaviləni necə ləgv etməliyik?

Əvvəlcədən təşəkkür edirəm, bəy.

Minnətdaram sizə, bəy,insanları bəhrələndirirsiz.

Marked as spam
Fazil Mirzeyev tərəfindən göndərilmişdir
30 İyun 2017 05:21 dəqiqədə yazılıb.
99 baxış
0
Məxfi cavab

Salam.

Siz, öncə, kirayə haqqı ilə bağlı müqaviləyə yeni bənd artırılmasına dair, yəni müqavilə şərtlərinin dəyişdirilməsi barədə firmaya yazılı təklif göndərin. Razılaşmasalar, MM-nin 339-cu maddəsinə əsasən, aldatma, yanılma yolu ilə bağlanmış müqavilə olduğu üçün, “müqavilənin etibarsız hesab edilməsi barədə” məhkəmədə iddia qaldırın.

Mülki Məcəllənin 339-cu maddəsinə (hakimiyyətdən sui-istifadə nəticəsində, aldatma, zorakılıq, hədə təsiri altında, bir tərəfin nümayəndəsinin digər tərəflə pis niyyətlə razılığa gəlməsi və ya şəxsin ağır vəziyyətə düşməsi nəticəsində bağlanmış əqdin etibarsızlığı) əsasən,

 

“339.2. Şəxs əqd bağlanması məqsədilə aldadıldıqda həmin əqdi mübahisələndirə bilər. Belə mübahisələndirmə əqdin aldatma olmadan bağlana bilməyəcəyinin aşkar olduğu hallarda həyata keçirilir. Əgər tərəflərdən biri, aşkar edilsəydi, digər tərəfin əqd bağlamayacağı hallar barəsində susmuşsa, aldadılmış tərəf əqdi mübahisələndirə bilər. Barəsində susulan hallar barəsində məlumat vermək vəzifəsi yalnız o zaman ola bilər ki, digər tərəf vicdanla bunu gözləsin.

339.3. Aldatma yolu ilə bağlanmış əqdin mübahisələndirilməsi üçün tərəfin yanlış məlumat verərkən fayda götürmək məqsədini, yaxud digər tərəfə zərər vurmaq məqsədini güdmüş olduğunun əhəmiyyəti yoxdur. Üçüncü şəxs tərəfindən aldadılma halında, əgər bu əqddən fayda götürən şəxs aldatmadan xəbərdar idisə və ya xəbərdar olmalı idisə, əqd mübahisələndirilə bilər. Əgər hər iki tərəf aldatma yolu ilə hərəkət etmişsə, onlardan heç birinin ixtiyarı yoxdur ki, aldadıldığına istinad edərək əqdi mübahisələndirsin və ya zərərin əvəzinin ödənilməsini tələb etsin.”

 

Hörmətlə.

 

 

Marked as spam
Qurban Məmmədov tərəfindən göndərilmişdir
30 İyun 2017 23:29 radələrində cavablandırılıb
« Əvvəlki səhifəyə geri dön