Kreditlə maşın aldım…

« Əvvəlki səhifəyə geri dön
0
0

Salamalekum Qurban m., mənim belə sualım var , 2015 ilin oktyabr ayında mən kreditdə olan bir avtomobil aldım.

Maşını kreditin qalan hissəsini ödəməyə dair və krediti bitirdildən sonra həmən avtomobili satan adamın mənim adıma Kecerəcəyini haqda  natariusda aramızda muqavilə bağlamışıdıq .Bundan əlavə natariusda mənim adıma mülkü etibarnamə verilmişdir. Bundan sonra mən hər ay vaxtı vaxtında aylıq ödənişimi edirdim.lakin növbəti ödənişi edən zaman məlum oldu ki mənə maşın satan adamın eyni bankda əlavə olaraq 5000$ başqa bir krediti varmış.Bunu bilənən sonra mən bank əməkdalarından mənə bir zəmanət edən bir sənəd verməsini xahiş etdim, lakin mənə bildirdilər ki “narahat olmağa hec bir səbəb yoxdur” Qurban m.gələcəkdə bu adam öz dollar kteditini verə bilməsə Bank aldığım maşına həbs verə bilərmi? Qurban m. bələ bir problem olsa bunu həll etmək mümkün olacaqmı?

Öncədən Təşəkkür edirəm.

Marked as spam
Zaur Qediragayev tərəfindən göndərilmişdir
15 Fevral 2016 11:58 dəqiqədə yazılıb.
324 baxış
0
Məxfi cavab

Salam, Zaur bəy!

1.Sualınızdan anlaşılır ki, Siz bir nəfərdən bankın razılığı və iştirakı olmadan “bank maşını” almısınız.

2. MM-nin 284.2-ci maddəsinə əsasən, ” Əgər müqavilədə ayrı qayda nəzərdə tutulmayıbsa, girov qoyan yalnız girov saxlayanın razılığı ilə girov predmetini özgəninkiləşdirə bilər, başqa şəxsin icarəsinə və ya əvəzsiz istifadəsinə verə bilər və ya ona dair digər sərəncamlar verə bilər. ..” Aldığınız maşın hansı bankda girovda olubsa, yalnız o bankın razılığı ilə Sizə həmin maşını ala bilərdiniz. İndiki halda Siz və satıcı qanunu pozmusunuz.

3. Sizə maşın satan şəxslə bankın arasında istənilən pul öhdəlyi barədə mübahisə yaranacaqsa, dərhal maşın üzərinə həbs qoyulacaq və maşın sizdən alınacaq.

4. Belə maşınlara dair, bankın iştirakı olmadan , notarial qaydada bağlanmış müqavilələr, MM-nin 337-ci maddəsinə əsasən,  etibarsızdır.  Notariusun belə müqaviləni təsdiq etmək hüququ yoxdur.

5. Özünüzü problemə salıbsınız. İki yolunuz var: 1. Bank həmin müqaviləni bəyənməsi barədə, yəni razılıq verməsi barədə yazılı sənəd versin. MM-nin  358-ci maddəsinə əsasən,   ( Səlahiyyətsiz şəxsin əşyaya və ya hüquqa dair sərəncam verməsi) 

358.1. Səlahiyyətsiz şəxsin əşyaya və ya hüquqa dair sərəncam verməsi, əgər səlahiyyətli şəxsin icazəsi (qabaqcadan verilmiş razılığı) ilə həyata keçirilirsə, etibarlıdır.

358.2. Əşyaya və ya hüquqa dair sərəncam verilməsi, əgər səlahiyyətli şəxs bunu bəyənirsə, etibarlı olur.”

 

2. Pulunuzu geri alın,  maşını geri qaytarın.

 

Uğurlar. Hörmətlə.

 

Marked as spam
Redaktor tərəfindən göndərilmişdir
16 Fevral 2016 02:02 radələrində cavablandırılıb
« Əvvəlki səhifəyə geri dön