Senedleşme işleri

« Əvvəlki səhifəyə geri dön
0
0

Salam. Biz sizi Balakəndən narahat edirik. Size bir sualımız var. Mümkünsə cavab verə bilərsizmi? Bizim kende torpaq sahemiz var(dı) 2 hektar. 3 il bundan evvel hemin sahenin 1 hektarı perspektive düşdüyü üçün belediye elmizden aldı. Yəni belediye torpağı olduğu üçün elbette ki. Qalan 1 hektarı qalıb ve biz özelleşdirmek istiyirik yəni üstümüze aşırmaq. Sizden soruşmaq istediyim bunun üçün neyleye bilerik. Qanunda bununla bağlı bir şey varmı? Önceden teşekkürler edirikş

Tam cavablandırıldı.
Marked as spam
Vüsal Orucov tərəfindən göndərilmişdir
09 Aprel 2017 22:55 dəqiqədə yazılıb.
240 baxış
0
Məxfi cavab

Salam, Vüsal bəy.

Səhhətimlə bağlı cavabı gec verməli oldum, lütfən, üzürlü sayın.

1.  “Bizim kende torpaq sahemiz var(dı) 2 hektar.” Bununla nə demək istədiyiniz anlaşılmır. Qanuni idimi? Yəni, “Dövlət aktı”, “Çıxarış”ınız var idimi? Sualınızdan bunlar bəlli deyil. Ona görə də, dəqiq məsləhət vermək çətindir.

2. “3 il bundan evvel hemin sahenin 1 hektarı perspektive düşdüyü üçün belediye elmizden aldı. Yəni belediye torpağı olduğu üçün elbette ki.” Bu cümlənizdən aydın olur ki, siz o torpağı qanunsuz olaraq tutmusunuz, zəbt etmisiniz. Deməli, geri alınması da qanunidir.

3.  Qalan bir hektarı mülkiyyətinizə keçirmək üçün, “Bələdiyyə torpaqlarının idarə edilməsi haqqında” Qanunun 16-cı maddəsinə (qeyri-qanuni istifadə edilən torpaq sahələrinə dair tələblər) istinad etməlisiniz. Həmin maddəyə əsasən, “16.1. Qeyri-qanuni istifadə edilən (özbaşına tutulmuş) bələdiyyə torpaqları qanunvericiliklə müəyyən edilmiş qaydada mülkiyyətə, istifadəyə və icarəyə verilməmiş, habelə rəsmiləşdirilmiş ölçüdən artıq istifadə edilən torpaqlardır. 

16.2. Qeyri-qanuni istifadə edilən (özbaşına tutulmuş) torpaq sahələri Azərbaycan Respublikasının torpaq və mülki qanunvericiliyinə uyğun olaraq aidiyyəti üzrə geri qaytarılmalıdır.

16.3. Bu Qanun qüvvəyə minənədək fərdi yaşayış və bağ evlərinin, qarajların, habelə sahibkarlıq fəaliyyətini həyata keçirmək məqsədilə zəruri obyektlərin tikintisi üçün qeyri-qanuni istifadə edilən bələdiyyə torpaqlarının geri qaytarılması mümkün olmadığı hallarda, bu torpaq sahələri qanunvericilikdə nəzərdə tutulmuş qaydada onları istifadə edən vətəndaşların və hüquqi şəxslərin mülkiyyətinə verilir, eyni zamanda torpaq vergisinə cəlb edilir.

16.4. Torpaq üzərində mülkiyyət, istifadə və icarə hüquqlarını təsdiq edən sənədlərdə göstərilən ölçüdən artıq istifadə edilən torpaq sahəsinin geri alınması mümkün olmadığı hallarda isə artıq sahələr eyni hüquq əsasında həmin şəxslərin adına rəsmiləşdirilir.”

Siz bu maddənin 16.3-cü yarımmaddəsinə istinad etməlisiniz. Bələdiyyə ilə “dil tapsaz” bunu etmək çətin deyil. lakin, bələdiyyə sizə imtina etsə, inzibati məhkəməyə verib məqsədinizə çata bilərsiniz.

Uğurlar.

Hörmətlə.

 

Marked as spam
Qurban Məmmədov tərəfindən göndərilmişdir
12 Aprel 2017 01:02 radələrində cavablandırılıb