Şikayəti ictimailəşdirmək

« Əvvəlki səhifəyə geri dön
0
0

Salam Qurban müəllim. Qurban müəllim mənə qarşı yalan dolu ifadələrlə polisə, məhkəməyə müraciətlər olunur. Məhkəmədə qalib gəlmişəm. Polisə şikayətlərin isə ardı-arası kəsilmir. Polis işi araşdırır yalan olduğu məlum olur, işə xitam verilir. Amma  yalan ərizələrə, yalan məlumatlara görə şikayətçi məsuliyyətə cəlb olunmadığına görə daha da ruhlanır və əməlindən əl çəkmir. Bilmək istəyirəm ki, həmin şikayət ərizələrinin surətini, şikayətçinin şəklini ictimailəşdirmək (qəzetdə, sosial şəbəkələrdə  və.s. yaymaq) məsuliyyət nəzərdə tuturmu? Minnətdaram

Marked as spam
Mirmehman Miriyev tərəfindən göndərilmişdir
13 Avqust 2017 12:02 dəqiqədə yazılıb.
132 baxış
0
Məxfi cavab

Salam.

Xeyr, buna görə heç bir məsuliyyət yoxdur.

Ancaq yaxşı olar ki, siz həmin şikayətçidən şikayət verərək onun “bilə-bilə yalan xəbərçilik etmə” cinayəinə görə cinayət məsuliyyətinə cəlb edilməsinə nail olasınız. Sonra həmin cinayət işinin nəticələrini yayasınız.

Maddə 296. Bilə-bilə yalan xəbərçilik etmə

 

296.1. Cinayət edilməsi haqqında bilə-bilə yalan xəbərçilik etmə—

min beş yüz manatdan üç min manatadək miqdarda cərimə və ya üç yüz iyirmi saatdan dörd yüz saatadək ictimai işlər və ya bir ildən iki ilədək müddətə islah işləri və ya üç ilədək müddətə azadlıqdan məhrum etmə ilə cəzalandırılır.

296.2. Eyni əməllər şəxsin ağır və ya xüsusilə ağır cinayət törətməkdə ittiham olunması və ya süni ittiham sübutlarının yaradılması ilə bağlı törədildikdə—

üç ildən səkkiz ilədək müddətə azadlıqdan məhrum etmə ilə cəzalandırılır.

Yox, əgər yazılanlar sizin hansısa cinayətdə ittiham edilməyinizlə bağlı deyilsə, mülki xarakterlidirsə, bu dəfə MM-nin 23-cü maddəsinə əsasən, şərəf və ləyaqətin müdafiəsi ilə bağlı iddia qaldırıb, udub, sonra da nəticələri yaymaqla həmin şəxsi ifşa edəsiniz.

Hörmətlə.

Marked as spam
Qurban Məmmədov tərəfindən göndərilmişdir
16 Avqust 2017 21:53 radələrində cavablandırılıb
« Əvvəlki səhifəyə geri dön