Torpaq icarəsi2

« Əvvəlki səhifəyə geri dön
0
0

Salam. Qurban müəllim xahiş edirəm bir məsələyə də açıqlama verəsiniz. Sizə yazmışdım ki, qanuni istifadəmizə verilən torpaq sahəsinə bitişik, eyni hasarın daxilində olan əlavə (zəbt olunmuş) torpaq sahəsi artıq 30 ildir sahibkarlıq fəaliyyəti üçün istifadəmizdədir. Həmin (zəbt olunuş) torpaq sahəsini icarəyə götürmək istəyirəm. Qeyd etmişdiniz ki, bələdiyyəyə müraciət etməklə icarəyə götürə bilərsiniz. Bələdiyyəyə müraciət etdim. Bildirirlər ki, icarəyə götürmək də hərrac yolu ilə olmalıdır. Mənim bildiyimə görə və sizin məlumatınızdan başa düşdüyümə görə sözü gedən torpaq səhəsi uzun müddətdir bizim istifadəmizdə olduğu üçün bizə hərracdan kənar icarəyə verilməlidir. Əgər biz torpağın istifadəsindən imtina edəriksə ondan sonra hərracla digərinə icarəyə və ya mülkiyyətə verilə bilər. Xahiş edirəm məlumatlandırasınız ki, mən düz qeyd edirəm yoxsa bələdiyyə qeyd etdiyi kimi həmin torpaq sahəsi mənə də hərracla icarəyə verilməlidir? Minətdaram

Tam cavablandırıldı.
Marked as spam
Ramin Həsənov tərəfindən göndərilmişdir
05 Mart 2018 12:01 dəqiqədə yazılıb.
114 baxış
0
Məxfi cavab

Salam, Ramin bəy.
Bələdiyyə düz deyir. “Bələdiyyə torpaqlarının idarə edilməsi haqqında” Qanunun 9.1-ci maddəsinə (bələdiyyə torpaqlarının satışının xüsusiyyətləri) əsasən, “Bələdiyyənin ərazisində daimi yaşayan və eyni zamanda ən azı beş il müddətində yaşayış yeri üzrə qeydiyyatda olan Azərbaycan Respublikası vətəndaşlarının mülkiyyətinə bu Qanunun 9.8-ci maddəsində müəyyən edilmiş məhdudiyyət nəzərə alınmaqla fərdi yaşayış evinin tikintisi üçün torpağın ayrılması, habelə Azərbaycan Respublikasının tərəfdar çıxdığı beynəlxalq müqavilələrdən irəli gələn öhdəlikləri yerinə yetirmək məqsədi ilə torpağın dövlət mülkiyyətinə və ya icarəsinə verilməsi istisna olmaqla, digər hallarda bələdiyyə torpaqları üzərində mülkiyyət və icarə hüquqları yalnız açıq torpaq hərracları və ya müsabiqələri vasitəsilə əldə edilə bilər.”
Yəni icarə də hərracla olur. Ancaq 5 il pasport qeydiyyatı varsa, hərracdan kənar verilməlidir. Siz rəsmi olaraq bələdiyyəyə müraciət edin və imtina cavabı alsanız, bu maddəyə istinad etməklə inzibati məhkəməyə və ya yuxarı orqana–Ədliyyə Nazirliyinin “Bələdiyyələrlə iş Mərkəzi”nə müraciət edin. Həmin Qanunun 16-cı maddəsi də sizin tərəfinizdədir.
Hörmətlə.

Marked as spam
Qurban Məmmədov tərəfindən göndərilmişdir
05 Mart 2018 18:56 radələrində cavablandırılıb