Məhkəmə qərarı ilə “Uni Bank”a ödəməkdə olduğum borcun qaydasını və üsulunu dəyişdirə bilərəmmi?

« Əvvəlki səhifəyə geri dön
0
0

Salam Hörmətli Q.Məmmədov!

Əvvəlcədən sizə təşəkkürümüzü bildiririk.

Mən UniBankdan kredit götürmüşdüm və dolar qalxdiqdan yəni 105 m olduqda bank mənə muqaviləni dəyişmə təklifi etdi mən bununla razilaşmadim və ödəməkdən imtina etdim və bank məni 2015-cilin sentiyabir ayinda məhkəməyə verdi men ödəyə bilmədikdə isə icracilar tərəfindən icra haqindda Az.RESP.Qanunun 63,  64 və 65.2-ci madəsinə əsasən mənim əmək haqimin 25% nin tutulmasi qərari cıxarıblar mən sizin burada paylaşdiqiniz vidyodaki madələrlə yəni Mülkü Məcəlləsində göstərilən qanunlarla yeniden məhkəməyə müraciət ede bilerəmmi ?

Marked as spam
Cavid tərəfindən göndərilmişdir
28 Yanvar 2016 18:34 dəqiqədə yazılıb.
561 baxış

Hörmətli Q.Məmmədov mənim sizə demək istədiyim budurki yəni Unibank mənə deyirki dolar 105m olduqda həmən kursla ödə dolar 200m olduqda yenə bu kursla ödəməmi deyir və dolar artsa yene menim borcumu hemin kursla hesablayir mənim borcum azalmaq əvəzinə artir mən sizdən bununla baqli köməklik isteyir

(Cavid at 28 Yanvar 2016 19:16)
0
Məxfi cavab

Hörmətli Cavid bəy!

1.Məhkəmə borcun dollarla ödənməsi barədə qərar qəbul edə bilməz. Bu, Azərbaycan Respublikası Konstitusiyasının 19-cu maddəsinin tələblərinə ziddir.

Maddə 19. Pul vahidi

I. Azərbaycan Respublikasının pul vahidi manatdır.

II. Pul nişanlarının tədavülə buraxılması və tədavüldən çıxarılması hüququ yalnız Mərkəzi Banka mənsubdur. Azərbaycan Respublikasının Mərkəzi Bankı dövlətin müstəsna mülkiyyətindədir.

III. Azərbaycan Respublikasının ərazisində manatdan başqa pul vahidlərinin ödəniş vasitəsi kimi işlədilməsi qadağandır

2. MPM-nin 222-ci maddəsinə (əmlakın alınması və ya pul vəsaitlərinin tutulması haqqında qətnamə) əsasən, “222.2. Pul vəsaitlərinin tutulması haqqında iddianı təmin edərkən hakim əsas borcu, ziyan və dəbbə pulunu (cərimə, penya) ayrı-ayrılıqda müəyyən etməklə, alınmalı olan ümumi məbləği qətnamədə göstərir.”

Bəs “pul” deyəndə nə başa düşülür? Hansı valyutanı biz pul kimi qəbul etməliyik? Konstitusiyamızın 19-cu maddəsində bu sualın cavabı  aydın verilib.

MM-nin 439.1-ci maddəsinə əsasən, “Pul öhdəliyi manatla ifadə edilməlidir.” Deməli, məhkəmə qətnamədə ödənməli olan pulu manatla ifadə etməlidir. Belə olduqda isə, manatın ödənilməsini dolların kursuna  bağlamaq milli valyutamıza hörmətsizlikdir və qanunsuzluqdur.

3. Qətnamənizə baxmaq lazımdır. Məhkəmənin qərarının mahiyyətini bilmədən düzgün məsləhət vermək də çətindir, Cavid bəy.

4. Nəhayət,  Siz son devalvasiya hadisələrinə, ölkədəki indiki iqtisadi və biznes durumuna istinadən MPM-nin 231-ci maddəsinə (qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması) əsasən, məhkəməyə müraciət edib probleminizi həll edə bilərsiniz. 

Həmin maddəyə əsasən,  “231.1. İşə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır.

231.2. Həmin ərizələrə məhkəmə iclasında baxılır. İşdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur.

231.3. İcra üzrə icraatın dayandırılması məsələləri , habelə borclunun ölkədən getmək hüququnun müvəqqəti məhdudlaşdırılması icra məmurunun təqdimatına əsasən həll edilir. Məhkəmələrin verdiyi icra sənədinə əsasən başlanmış icraat icra məmurunun olduğu yer üzrə məhkəmə tərəfindən, inzibati-iqtisadi məhkəmənin verdiyi icra sənədinə əsasən başlanmış icraat isə həmin inzibati-iqtisadi məhkəmə və ya icra məmurunun olduğu yer üzrə müvafiq inzibati-iqtisadi məhkəmə tərəfindən dayandırılır. Borclunun ölkədən getmək hüququnun müvəqqəti məhdudlaşdırılması məsələsinə icra məmurunun olduğu yer üzrə məhkəmə tərəfindən baxılır. İcra üzrə icraatın dayandırılması , habelə borclunun ölkədən getmək hüququnun müvəqqəti məhdudlaşdırılması haqqında təqdimatlara bu Məcəllənin 231.2-ci maddəsi ilə nəzərdə tutulmuş qaydada baxılır. [115]

231.4. Qətnamə icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması barədə məhkəmə qərardadından şikayət verilə bilər. [116]

231.5. Qanunla nəzərdə tutulmuş hallar istisna olmaqla, ipoteka predmetinə tutmanın yönəldilməsi barədə məhkəmə qərarının icrasına möhlət verilməsinə, məhkəmə qətnaməsinin hissə-hissə icra edilməsinə, icra üsulunun və qaydasının dəyişdirilməsinə, habelə icra üzrə icraatın dayandırılmasına yalnız ipoteka saxlayanın razılığı ilə yol verilir. “

5. Çətinliyiniz olsa, etibar etdiyiniz bir hüquqşünasın köməyindən mütləq istifadə edin. Yoxsa, ömrünüz boyu banka işləməli olacaqsınız.

 

Sizə səbr və uğurlar arzulayıram. Hər gecənin bir gündüzü var. Ümidlərinizi ALLAH(c.c)dan üzməyin. 

Hörmətlə.

 

Marked as spam
Redaktor tərəfindən göndərilmişdir
29 Yanvar 2016 00:16 radələrində cavablandırılıb

coox təşəkür edirəm Hörmətli Q.Məmmədov tam Başa düşdüm minadaram

(Cavid at 29 Yanvar 2016 10:29)
« Əvvəlki səhifəyə geri dön