Ər və arvad müxtəlif rayonlarda qeydiyyatdadırlarsa, ünvanlı sosial yardım haradan alınmalıdır?

« Əvvəlki səhifəyə geri dön
0
0

Salam, Qurban bəy.

Oğlum ailəlidir, iki azyaşlı övladı var.

Özü və uşaqları Sabirabadda qeydiyyatdadır.

Bakıda fəhləlik edir, lakin hazirki böhran dövürdə ailəsin dolandıra bilmir. Ona sosial yardım vermirlər. Səbəb onu gətirirlər ki, həyat yoldaşı Bakıda qeydiyyatdadır.

Bu doğrudurmu?

Qeyd: adında maşın yoxdur, yalnız 0.6 ha pay torpağı var.

Marked as spam
cemil tərəfindən göndərilmişdir
28 Yanvar 2016 17:26 dəqiqədə yazılıb.
553 baxış
0
Məxfi cavab

Hörmətli, Cəmil bəy!                                   !

“Ünvanlı dövlət sosial yardımı haqqında” AR qanununun 1.0.5-ci yarımmaddəsinə əsasən,  “ aztəminatlı ailə dedikdə,  orta aylıq gəlirləri hər bir ailə üzvü üçün ehtiyac meyarının məcmusundan aşağı olan ailə” başa düşülür.

Qanunverici orqan hər il üçün  ehtiyac meyarının müəyyənləşirilməsi haqqında qanun qəbul edir.Azərbaycan Respublikasında 2016-cı il üçün ehtiyac meyarının həddi haqqında” AR-nın 20 oktyabr 2015-ci il tarixli Qanununa əsasən, “ünvanlı dövlət sosial yardımının təyin edilməsi məqsədilə 2016-cı il üçün ehtiyac meyarının həddi 105 manat məbləğində təsdiq edilmişdir”.

“Ünvanlı dövlət sosial yardımı haqqında” AR qanununun 3-cü maddəsinə (sosial yardım almaq hüququ olan ailələr) əsasən, “sosial yardım hüququna orta aylıq gəliri onlardan asılı olmayan səbəblərdən (ailə üzvlərinin əmək qabiliyyətsiz olması, ailənin əmək qabiliyyətli üzvünün müvafiq icra hakimiyyəti orqanında işsiz kimi qeydə alınması, vəfat etməsi, məhkəmə tərəfindən itkin düşmüş və yaxud ölmüş hesab edilməsi, azadlıqdan məhrum edilməsi, ailə üzvünün olduğu yerin məlum olmaması və s.) hər bir ailə üzvü üçün ehtiyac meyarının məcmusundan aşağı olan aztəminatlı ailələr malikdirlər”.

Həmin qanunun 6-cı maddəsinə (sosial yardımın alınması üçün müraciət edilməsi, onun təyin olunması, verilməsi və verilməsindən imtina edilməsi) əsasən isə, “6.1. Sosial yardım aztəminatlı ailələrə yaşayış yeri üzrə müvafiq icra hakimiyyəti orqanı tərəfindən təyin olunur.”

 

Beləliklə də, oğlunuza imtina edilməsi tamamilə qanunsuzdur. Oğlunuz və uşaqları harada qeydiyyatdadırlarsa, oradan da ala bilərlər. Həyat yoldaşının qeydiyyatda olduğu yerdə də ala bilərlər. Sadəcə, nəzərə almaq lazımdır ki, hər ailə yalnız bir yerdən ünvanlı dövlət sosial yardım ala bilər.

 

2. Əgər oğlunuzun hüququnun pozulması davam edərsə, hörmətli nazirimiz cənab Səlim Müslümova müraciət edin. Nəticə olmasa  (ümid edirəm ki, olar), məhkəməyə müraciət edə bilərsiniz.

 

3. Çətinliyiniz olarsa, etibar etdiyiniz bir hüquqşünasın köməyindən istifadə etməyiniz məsləhətdir.

 

Uğurlar. Hörmətlə.

Marked as spam
Redaktor tərəfindən göndərilmişdir
28 Yanvar 2016 23:39 radələrində cavablandırılıb

Cavaba görə təşəkkür edirəm, Qurban bəy!

(cemil at 29 Yanvar 2016 11:30)
« Əvvəlki səhifəyə geri dön