Uşağın atanın himayəsinə verilməsi barədə

« Əvvəlki səhifəyə geri dön
0
0

Salam. Hər vaxtınız xeyir. Boşanma zamanı uşaq yetkinlik yaşına çatmadan atanın himayəsinə verilə bilər? Hansı hallarda bu mümkündür? Ana necə olursa olsun qanun hər zaman ananın tərəfindədir mi? Xahiş edirəm ətraflı şərh verərdiniz.

Marked as spam
gilyotin tərəfindən göndərilmişdir
27 İyul 2017 10:36 dəqiqədə yazılıb.
1383 baxış
0
Məxfi cavab

Salam.

10 yaşına çatmamış uşaqların fikri soruşulmadan anada saxlanılır. Bu, “Uşaq hüquqları haqqında Konvensiya”da  və Ailə Məcəlləsində təsbit edilib.

Ailə Məcəlləsinin 52-ci maddəsinə əsasən, (Uşağın öz fikrini bildirmək hüququ) “Uşaq ailədə onun maraqlarına toxunan istənilən məsələnin həlli zamanı öz fikrini bildirmək, habelə məhkəmə istintaqı və inzibati araşdırmaların gedişində dinlənilmək hüququna malikdir. Onun maraqlarına zidd olan hallar istisna olunmaqla, 10 yaşına çatmış uşağın fikri mütləq nəzərə alınmalıdır. Bu Məcəllə ilə nəzərdə tutulmuş hallarda məhkəmə və ya qəyyumluq və himayə orqanı yalnız 10 yaşına çatmış uşağın razılığı ilə qərar qəbul edə bilər.”

10 yaşınadək uşaq atanın himayəsinə, ya tərəflərin razılığı ilə, ya da uşağın ana ilə qalmasının onun mənafeyinə zidd olduğu sübut edilən halda verilə bilər.

AM-nin  72-ci maddəsinə (uşağın sağlamlığı və ya həyatı üçün birbaşa təhlükə olduqda uşağın valideynlərdən (onları əvəz edən şəxslərdən) alınması) əsasən,  “72.1. Uşağın sağlamlığı və ya həyatı birbaşa təhlükədə olduqda, müvafiq icra hakimiyyəti orqanı uşağı valideynlərdən (onlardan birindən) və ya onu qəyyumluğa (himayəyə) götürmüş şəxslərdən təcili olaraq almaq hüququna malikdir. Müvafiq icra hakimiyyəti orqanı bunu müvafiq akt əsasında həyata keçirir.

72.2. Uşağı götürən müvafiq icra hakimiyyəti orqanı dərhal prokurora məlumat verməyə, uşağı müvəqqəti yerləşdirməyə borcludur. Həmin orqan uşağın alınması barədə aktın çıxarılmasından sonra 7 gün ərzində məhkəməyə valideynləri valideynlik hüquqlarından məhrumetmə və ya bu hüquqların məhdudlaşdırılması barədə iddia ilə müraciət edə bilər.”

Sizə uğurlar.

Hörmətlə.

 

Marked as spam
Qurban Məmmədov tərəfindən göndərilmişdir
29 İyul 2017 20:40 radələrində cavablandırılıb
« Əvvəlki səhifəyə geri dön