Vərəsəlik

« Əvvəlki səhifəyə geri dön
0
0

Salam Qurban müəllim. Qurban müəllim 2 məsələ haqqında bilgi vermənizi xahiş edirəm. 1). Atamın rəhbəri olduğu təşkilat 2005-ci ildə kredit götürmüşdür. Xüsusi olaraq qeyd edim ki, krediti atam yox, təşkilat, təşkilatın fəaliyyəti üşün götürüb. Girov predmeti kimi təşkilatın daşınmaz əmlakı və yaşadığımız ev girov qoyulmuşdur. 2008-ci ildə krediti odəmədiyi üçün bank məhkəməyə müraciət etmişdir. Məhkəmə qətnamə qəbul etdiki, tutulma girov əmlaka yönəlsin. Qanunlara uygun olaraq 2009-cu ilin fevral-aprel aylarında əmlak 3 dəfə hərraca çıxarılara satılmayıb. Sonda banka təklif olundu ki, əmlakı qəbul etsin. 30 gün ərzində səssiz qalarsa ipotekaya xitam veriləcək. Bank da əmlakı qəbul etməyib. Öyrənmək istəyiləm ki, əmlakı girovdan necə azad edə bilərik? Qeyd edim k, həmin vaxtdan 8 ildən artıq vaxt keçib və həmin bank artıq ləğv edilib. 2) Mən atamın qanuni vərəsəsiyəm. Atam 2015-ci ildə vəfat edib. Vədəsəlik 2016-cı ildə notarial qaydada təsdiqlənib. Bilmək istəyirəm ki, vərəsə kimi atamın kredit borclarına da məsuliyyət daşıyırammı? Təşəkkür edirəm

Marked as spam
Mirmehman Miriyev tərəfindən göndərilmişdir
22 Noyabr 2017 17:27 dəqiqədə yazılıb.
165 baxış
0
Məxfi cavab

Salam, Mirmehman bəy.

1. Bankın ləğv edilməsi Sizi öpdəliklərinizdən azad etmir.

2. Evin üzərindən həbsi götürmək üçün həmin həbsi qoyan məhkəməyə müraciət edə bilərsiniz, ancaq inanmıram ki, məhkəmə həbsi qaldırsın. Borc ödənilməyincə, bu mümkün olmayacaq. Bəzən belə olur, bank əməkdaşlarının səhlənkarlığı üzündən borcun ödənilməsi üçün vaxtında tədbirlər görülmür. ancaq bu o demək deyil ki, borc nə vaxtsa tələb edilməyəcək.

3. Yaxşı olar ki, bankın hüquqi varisi ilə danışıb evi özünüz satın, borcu bağlayın.

4. Borclu ölərsə, tələb vərəsələrə çatan miras əmlak miqdarında vərəsələrə yönəldilir.

Mülki Məcəllənin aşağıdakı maddələrinə diqqət edin.

Maddə 1306. Vərəsələrin kreditorlar qarşısında məsuliyyəti

 

1306.1. Vərəsələr miras qoyanın kreditorlarının mənafelərini alınmış aktivdə özlərindən hər birinin payına mütənasib surətdə birgə borclu kimi tam ödəməyə borcludurlar.

1306.2. Əgər miras qoyan vərəsələrə keçmiş borclar üzrə birgə borclu olmuşdursa, vərəsələr birgə məsuliyyət daşıyırlar.

 

Maddə 1307. Vərəsələr tərəfindən kreditorların təmin edilməsi zamanı sübutetmə yükü

 

Mirasın notarius tərəfindən siyahıya alındığı haldan başqa, vərəsə miras qoyanın borclarının mirasdan çox olduğunu sübut etməlidir.

 

Maddə 1308. Borcun ödənilməsinin vərəsəyə həvalə edilməsi

 

Vəsiyyət edən bütünlüklə borcun və ya onun bir hissəsinin ödənilməsini bir və ya bir neçə vərəsəyə həvalə edə bilər.

 

Maddə 1309. Mirasın açılması barədə kreditorlara məlumat vermək vəzifəsi

 

Vərəsələr, əgər ölənin borcları onlara məlumdursa, mirasın açılması barədə miras qoyanın kreditorlarına məlumat verməyə borcludurlar.

 

Maddə 1312. İcra müddətinin təxirə salınması

 

Əgər kreditor tələbi icra müddəti çatanadək irəli sürmüşdürsə, vərəsə icranı müddət çatanadək təxirə sala bilər. Müddət çatdıqda kreditor ümumi iddia müddəti ərzində icranı tələb edə bilər.

 

Maddə 1313. Miras qoyanın kreditorlarının üstünlüyü

 

Tələblərin ödənilməsi zamanı miras qoyanın kreditorları vərəsənin kreditorları qarşısında üstünlüyə malikdirlər.

 

Maddə 1314. Dövlətin kreditorlar qarşısında məsuliyyəti

 

Vərəsələri olmayan əmlak dövlətə keçdikdə, miras qoyanın borcları üzrə o, vərəsə kimi məsuliyyət daşıyır.

 

Maddə 1315. Mirasın kreditor tərəfindən alınmasının nəticələri

 

Əgər miras qoyan öz əmlakını kreditora vəsiyyət etmişdirsə, bu, kreditorun tələb hüququnun əvəzləşdirilməsi sayıla bilməz.

 

Hörmətlə.

 

 

Marked as spam
Qurban Məmmədov tərəfindən göndərilmişdir
25 Noyabr 2017 21:05 radələrində cavablandırılıb

Qurban Müəllim ətraflı cavab üçün təşəkkür edirəm. Fikrimi başqa tərəfdən izah edimI: Daha dəqiqi, mən borcun silinməsinə çalışmıram. Qeyd etdiyim ki, krediti təşkilat götürüb. 3 dəfə hərrac olub amma girov satılmayıb. Mənə maraqlı olan hərracı keçirən təşkilatın banka yazdığı məktubdakı son qeyddir. Sonda yazılın ki, əmlakı qəbul etdibietmədiyiniz barədə 30 gün səssiz qaldığınızda ipotekaya xitam veriləcək. 30 gün verilən müddətdən artıq 8 ildən çox vaxt keçib. Bank da səssiz qalıb. Hərrac keçirən təşkilatın məktubuna əsasən ipotekaya xitam verilə bilərmi?

(Mirmehman Miriyev at 30 Noyabr 2017 15:06)
« Əvvəlki səhifəyə geri dön