Vərəsəlik

Qurban müəllim, salam. Zəhmət olmasa bu məsələyə aydınlıq gətirərdiz.
Ailənin 4-ü oğul, 3-ü qız olmaqla 7 övladı var. Ata 03 aprel 2014-də dünyasını dəyişib və vərəsəlik açılıb. Kənddə ana ilə qonşu kiçik oğul yaşayır. Orta məktəbi bitirib kənddən çıxan 3 oğuldan bir 3 bacıya və mənə müəyyən yollarla mirasdan imtina etdirib. Sonradan adıma vəsiyyətnamə olduğu bəlli olub. Sonra o, məndən və digər iki qardaşımdan xəbərsiz iki bacı ilə bərabər ananı aldadaraq etibarnamə almaq adı ilə notariusa aparıb.
2015-ci ilin 04 iyun tarixində – vərəsəliyin açıldığı vaxtdan 14 ay sonra – mirası qanunu yolla qəbul edib. İki qardaşımın adı vərəsələrin sırasında qeyd edilməyib.
İcra nümayəndəsinin arayışında təkcə ana ailə üzvü kimi göstərilib.
Mirasın qəbulu üçün anaya ərizə yazdırılıb və həmin ərizədə təkcə bir nəfərin – mirası qanunu yolla qəbul edən həmin qardaşın adı gıstərilib.
Arayışda və ərizədə nə imtina edənlərin, nə də imtina etməyən iki qardaşın adı qeyd edilməyib.
Ədaləti necə pərpa etmək olar?

Tam cavablandırıldı.

Marked as spam

Bahlul Eminli tərəfindən göndərilmişdir

25 Fevral 2018 23:16 dəqiqədə yazılıb.

164 baxış

▲

▼

✔

Məxfi cavab

Salam, Bəhlul bəy.

Çox sadə. Siz qardaşınızın və notariusun olduğu rayonun məhkəməsinə müraciət edib qardaşınızın və ananızın adına verilmiş vərəsəlik şəhadətnamələrin etibarsız hesab edilməsi barədə iddia qaldırın. Digər vərəsələri və sizin adınıza olan vəsiyyətnaməni gizlətdiklərinə görə, onlara verilən vərəsəlik şəhadətnamələri ləğv ediləcək. Hətta siz həmin qardaşınızı “ləyaqətsiz vərəsə” elan etmək üçün məhkəmədə iddia da qaldıra bilərsiniz.

Bununçün Siz həmin notariusa müraciət edib vərəsəlik işinin materiallarının surətlərini alın. Notarius onları sizə verməyə borcludur. çünki siz də vərəsəsiz.

Yaxşı olar ki, inanıb, etibar etdiyiniz bir hüquqşünasın köməyindən istifadə edəsiniz.

Hörmətlə.

Marked as spam

Qurban Məmmədov tərəfindən göndərilmişdir

26 Fevral 2018 02:57 radələrində cavablandırılıb