XDS qərarı

« Əvvəlki səhifəyə geri dön
0
0

Salam. Qurban müəlim xahiş edirəm bilgi verin. 1990-ci ildə kooperativə sahibkarliq fəaliyyəti üçün XDS-nin qərarı ilə torpaq sahəsi ayrilib. Həmin torpaq sahəsinə mülkiyyət hüququnu necə əldə edə bilərik? Xahiş edirəm kömək edin

Tam cavablandırıldı.
Marked as spam
Mirmehman Miriyev tərəfindən göndərilmişdir
22 Fevral 2018 12:04 dəqiqədə yazılıb.
175 baxış
0
Məxfi cavab

Torpaq bü gün də həmin kooperativin sahibliyində və istifadəsindədirsə, satın almaqda üstünlük hüququna əsasən, ümumi əsaslarla ala bilərsiniz.
“Torpaq islahatı haqqında” Qanunun 9-10-cu maddələrinə əsasən,

Maddə 9. Vətəndaşların qanuni istifadəsindəki torpaqların özəlləşdirilməsi
Vətəndaşların qanuni istifadəsindəki fərdi yaşayış evlərinin, həyətyanı sahələrin, fərdi, kollektiv və kooperativ bağların, dövlət bağçılıq təsərrüfatının idarəçiliyindəki bağların altında olan torpaqlar qanunvericiliklə müəyyən olunmuş qaydada əvəzsiz olaraq onların mülkiyyətinə verilir.

Maddə 10. Vətəndaşların qanuni istifadəsindəki torpaqların özəlləşdirilməsi
qaydası
Həyətyanı sahələr və bağlar altında olan torpaqlar vətəndaşların mülkiyyətinə onların qanuni istifadəyə və ya icarəyə götürdükləri ölçüdə verilir.

Kollektiv bağlar özəlləşdirilərkən torpaq sahəsi bağçılığın hər üzvünün mülkiyyətinə verilir. Dövlət bağçılıq təsərrüfatının idarəçiliyindəki bağların torpaqları hər bir icarəçinin, kooperativ bağların torpaqları hər bir kooperativ üzvünün mülkiyyətinə verilir.

Bağ sahələrinin torpaqları özəlləşdirilərkən onların üzərindəki tikililər, ağaclar və digər obyektlər əvəzsiz olaraq bağ sahiblərinin xüsusi mülkiyyətinə keçir.

Fərdi yaşayış evlərinin, həyətyanı sahələrin və bağların altında olan torpaqlar üzərində vətəndaşların mülkiyyət hüququ yerquruluşu işlərinin tərtibi ilə torpaq ayırma qaydasında hazırlanan sənədlər əsasında daşınmaz əmlakın dövlət reyestrindən çıxarışla rəsmiləşdirilir.
Torpaq üzərində mülkiyyət hüququnun dövlət qeydiyyatına alınması haqqında çıxarış vətəndaşların ərizələri və həmin torpaqlardan istifadənin qanuniliyini təsdiq edən sənədlər əsasında daşınmaz əmlakın dövlət reyestrini aparan dövlət orqanı tərəfindən verilir.”
Gördüyünüz kimi, burada kooperativlərin istifadəsində olan torpaqlardan söhbət getmir. O torpaqlar islahat zamanı bu qanuna uyğun olaraq pay torpaqlarına verilir.
Dediyiniz torpaq sahəsi kənd təsərrüfatı təyinatlı deyilsə, islahatın obyekti deyilsə, adi qaydada alınmalıdır.
Hörmətlə.

Marked as spam
Qurban Məmmədov tərəfindən göndərilmişdir
23 Fevral 2018 01:01 radələrində cavablandırılıb

Qurban müəllim bilgi üçün minnətdaram. Qeyd etmisiniz ki, hənin torpaq sahəsi ”ümumi əsaslarla”, ”adi qatdada alınmalıdır”. Xahiş edirəm buna açıqlama verin.Ümumi əsaslarla deyiləndə nə nəzərdə tutulur, adi qayda deyiləndə nə nəzərdə tutulur?

(Mirmehman Miriyev at 23 Fevral 2018 10:52)