Məhkəmə qərarı ilə “Yuni bank”a əmək haqqımdan tutmalar hansı məzənnə ilə tutulmalıdır?

« Əvvəlki səhifəyə geri dön
0
0

Salam menim yuni banka kiredit borcum var dolar qalxib 105 m olanda bank mene muqavileni deyişmemi tekilifetdi men razilaşmadim ve 2015-cilin sentiyabir ayinda meni mehkemeye veridi men yene ödemekden imtna etdim ve icracilar terefinden menim ayliq emek haqimdan tutulmasi ile baqili tehsil şöbəsinə mektub gondererek emek haqimin 25% tutulmasi ile qerar cixariblar hörmetili Qurban Memmedov sizin gösterdiyiniz madelerle men bankla olan prablemin helini tapmaq olarmi?

Marked as spam
Cavid tərəfindən göndərilmişdir
28 Yanvar 2016 15:36 dəqiqədə yazılıb.
590 baxış
0
Məxfi cavab

Hörmətli Cavid bəy!

Məhkəmənin ixtiyarı yoxdur ki, ödəməli olduğunuz manatı dolların məzənnəsi ilə bağlasın. Bu, Konstitusiyamızın 19-cu maddəsinə ziddir.

Hörmətli Cavid bəy!

1.Məhkəmə borcun dollarla ödənməsi barədə qərar qəbul edə bilməz. Bu, Azərbaycan Respublikası Konstitusiyasının 19-cu maddəsinin tələblərinə ziddir.

Maddə 19. Pul vahidi

I. Azərbaycan Respublikasının pul vahidi manatdır.

II. Pul nişanlarının tədavülə buraxılması və tədavüldən çıxarılması hüququ yalnız Mərkəzi Banka mənsubdur. Azərbaycan Respublikasının Mərkəzi Bankı dövlətin müstəsna mülkiyyətindədir.

III. Azərbaycan Respublikasının ərazisində manatdan başqa pul vahidlərinin ödəniş vasitəsi kimi işlədilməsi qadağandır

2. MPM-nin 222-ci maddəsinə (əmlakın alınması və ya pul vəsaitlərinin tutulması haqqında qətnamə) əsasən, “222.2. Pul vəsaitlərinin tutulması haqqında iddianı təmin edərkən hakim əsas borcu, ziyan və dəbbə pulunu (cərimə, penya) ayrı-ayrılıqda müəyyən etməklə, alınmalı olan ümumi məbləği qətnamədə göstərir.”

Bəs “pul” deyəndə nə başa düşülür? Hansı valyutanı biz pul kimi qəbul etməliyik? Konstitusiyamızın 19-cu maddəsində bu sualın cavabı  aydın verilib.

MM-nin 439.1-ci maddəsinə əsasən, “Pul öhdəliyi manatla ifadə edilməlidir.” Deməli, məhkəmə qətnamədə ödənməli olan pulu manatla ifadə etməlidir. Belə olduqda isə, manatın ödənilməsini dolların kursuna  bağlamaq milli valyutamıza hörmətsizlikdir və qanunsuzluqdur.

3. Qətnamənizə baxmaq lazımdır. Məhkəmənin qərarının mahiyyətini bilmədən düzgün məsləhət vermək də çətindir, Cavid bəy.

4. Nəhayət,  Siz son devalvasiya hadisələrinə, ölkədəki indiki iqtisadi və biznes durumuna istinadən MPM-nin 231-ci maddəsinə (qətnamənin icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması) əsasən, məhkəməyə müraciət edib probleminizi həll edə bilərsiniz. 

Həmin maddəyə əsasən,  “231.1. İşə baxmış hakim, işdə iştirak edən şəxslərin ərizəsi üzrə tərəflərin əmlak vəziyyətinə və digər hallara əsasən qətnamənin icrasına möhlət verməyə və ya qətnaməni hissə-hissə icra etdirməyə, habelə onun icra üsulunu və qaydasını dəyişdirməyə haqlıdır.

231.2. Həmin ərizələrə məhkəmə iclasında baxılır. İşdə iştirak edən şəxslər iclasın vaxtı və yeri haqqında xəbərdar edilirlər, lakin onların gəlməməsi məhkəmə qarşısında qoyulmuş məsələnin həll edilməsinə mane olmur.

231.3. İcra üzrə icraatın dayandırılması məsələləri , habelə borclunun ölkədən getmək hüququnun müvəqqəti məhdudlaşdırılması icra məmurunun təqdimatına əsasən həll edilir. Məhkəmələrin verdiyi icra sənədinə əsasən başlanmış icraat icra məmurunun olduğu yer üzrə məhkəmə tərəfindən, inzibati-iqtisadi məhkəmənin verdiyi icra sənədinə əsasən başlanmış icraat isə həmin inzibati-iqtisadi məhkəmə və ya icra məmurunun olduğu yer üzrə müvafiq inzibati-iqtisadi məhkəmə tərəfindən dayandırılır. Borclunun ölkədən getmək hüququnun müvəqqəti məhdudlaşdırılması məsələsinə icra məmurunun olduğu yer üzrə məhkəmə tərəfindən baxılır. İcra üzrə icraatın dayandırılması , habelə borclunun ölkədən getmək hüququnun müvəqqəti məhdudlaşdırılması haqqında təqdimatlara bu Məcəllənin 231.2-ci maddəsi ilə nəzərdə tutulmuş qaydada baxılır. [115]

231.4. Qətnamə icrasına möhlət verilməsi və ya onun hissə-hissə icra edilməsi, qətnamənin icra üsulunun və qaydasının dəyişdirilməsi icra üzrə icraatın dayandırılması, borclunun ölkədən getmək hüququnun müvəqqəti məhdudlaşdırılması barədə məhkəmə qərardadından şikayət verilə bilər. [116]

231.5. Qanunla nəzərdə tutulmuş hallar istisna olmaqla, ipoteka predmetinə tutmanın yönəldilməsi barədə məhkəmə qərarının icrasına möhlət verilməsinə, məhkəmə qətnaməsinin hissə-hissə icra edilməsinə, icra üsulunun və qaydasının dəyişdirilməsinə, habelə icra üzrə icraatın dayandırılmasına yalnız ipoteka saxlayanın razılığı ilə yol verilir. “

5. Çətinliyiniz olsa, etibar etdiyiniz bir hüquqşünasın köməyindən mütləq istifadə edin. Yoxsa, ömrünüz boyu banka işləməli olacaqsınız.

 

Sizə səbr və uğurlar arzulayıram. Hər gecənin bir gündüzü var. Ümidlərinizi ALLAH(c.c)dan üzməyin. 

Hörmətlə.

 

Marked as spam
Redaktor tərəfindən göndərilmişdir
29 Yanvar 2016 01:10 radələrində cavablandırılıb
0
Məxfi cavab

Salam, Cavid bəy!

Probleminizi aydın izah edin, lütfən! Yazdıqlarınızda problem yoxdur. Borcunuzu ödəməmisiniz, bank məhkəməyə müraciət edib, ödəmə əmək haqqınızın 25 faizinə yönəldilib. Burada nə problem var ki?

Marked as spam
Redaktor tərəfindən göndərilmişdir
28 Yanvar 2016 18:18 radələrində cavablandırılıb
Qurban Bəy Bank mənə bugunki yəni dolarin bugunku məzənnəsi ilə əmək haqqindan tutular və mənim ayliq əmək haqim 180 manatdir və mənim Kapital bankada kiredit borcum var hecbir yerdən gəlirim yoxdur əvvələr biznes sahəsi ilə məşqul idim dolarin qalxmasi ilə ziyan etdim və işimi itirdim indi isə mənim yalniz əmək haqimla dolanmaqa çalişiram və bugunku kurslada razilaşmiram
(Cavid at 28 Yanvar 2016 18:40)
« Əvvəlki səhifəyə geri dön